【周街访．开学篇】小6暑期作业有几难？　胡定欣要揾大学生帮手

不知不觉间已经黎到9月1号，一班莘莘学子又要同呢个一年一度嘅暑假讲拜拜喇！讲到开学，虽然小编已经离开校园好一阵子（其实系好耐～），不过开学前一日只会令我谂返起最唔想面对嘅，就系暑期作业！(掩面中..）点样赶头赶命清晒啲功课…
今次《香港01》就特别揾左视后胡定欣，宋熙年及郑欣宜以及同一班大学生，考下佢地仲识唔识做暑期作业之外，仲会问下佢地细𠮶做作业会遇到咩趣事？即刻去片！！！

胡定欣今次就抽到做“中文”科，佢一见到d题目都不禁深呼吸，最后仲要请枪叫埋助手帮手做，“其实我放低书包好耐喇，以前做暑期作业点都会做下嘅，唔会唔做嘅。仲好记得细个好钟意暑期作业有得贴贴纸，唔知而家啲小朋友有冇得玩呢？”。至于宋熙年及郑欣宜呢两位读“番书”嘅朋友，就话以前系外国读书根本无暑期作业呢回事，其中欣宜仲话，“Summer紧系系放假去玩啦，而且以前学校功课都唔多，好快就做完！”做完暑期作业之后，最意外就系鬼妹仔郑欣宜做英文题目时，竟然话有啲题目好难！答到“come”的过去分词是甚么，欣宜直接skip掉！她笑说：“多数母语叻个啲，反而本身唔知点解！如果你问我法文呢，我就讲到畀你知！”真系令人好surprise！

至于一班大学生直言以前做暑期作业都系抄返黎，同埋觉得好无聊，但都有同学仔话好enjoy做暑期作业，因为觉得可以打好新一年嘅基础！！其实近年有不少小学已经安排学生在暑假时，将功课量减低，最多只是会叫学生以摄影、游记及网志等形式，简单记录在暑假的所见所闻，这样反而会令学生对面学习产生兴趣，誓要还小朋友一个“真暑假”。不再会是只在开学前临急抱佛脚地胡乱赶工，甚至“抄抄抄”。