【灿烂的外母】同薛家燕玩3P好惊吓 黎诺懿：嚟紧同佢有好多床戏
撰文： 洪晓璇
出版：更新：
之前《超时空男臣》胶到尽头反而真系笑点百出，疯狂喜剧甚得网民欢心。接棒嘅《灿烂的外母》由薛家燕、黎诺懿、汤洛雯等主演，有家燕姐坐阵都知道又系轻松喜剧，第一集唔知系咪想“先声夺人”，居然上演家燕姐同黎诺懿嘅床上戏，仲要动作连场，真系好重口味呀﹗黎诺懿接受香港01访问时话：“嚟紧同家燕姐仲有好多场床上戏！”
明明呢套戏入面黎诺懿同汤洛雯先系一对，点知一开始就先同未来外母上演床戏，实在令人始料不及：“家燕姐话呢场床戏系佢30年嚟第一次，之后同佢仲有好多场床上对手戏，比起同戏中老婆汤洛雯仲要多。因为剧情话家燕姐想抱孙，系咁催我地生BB，仲怀疑我性能力，又煲中药铺莲子喺床上，总知就笑料百出。”好在现实生活中，黎诺懿已经有个得意囝囝小春鸡，唔怕俾人怀疑佢“人生如戏”。