【港姐2017．多图】酒店水著拉筋　6号邱晴劲减10磅：大脾想瘦啲

今个星期日。就是2017香港小姐决赛。进入最后直路，10位佳丽今日本来著住泳装玩水上擂台。可惜因为天雨关系兼雷暴警告，无缘睇到嬉水场面，只能睇住一众佳丽著住好似入膊式背心泳衣，成个《新世纪福音战士》嘅女主角咁，在酒店房表演拉筋…真系好吸引呀…

来到最后一个星期，不少佳丽减肥都有成果，但似乎有点skinny，差不多大部分佳丽都过瘦。不过讲到减肥成果最出色，就当然是6号的邱晴（Mandy）！由最初条腰有肉地，短短一个月有腰形。而身型上，5号雷庄𠒇（Juliette）最标准，仲有埋腹肌，影相时不停chok肌。当然有最fit，同时都有冇咁fit，10号的张宝欣（Boanne）相比其他佳丽下围仲有少少肉地。

Mandy听到不少人赞她瘦了很多，她第一反应就是：“真系㗎？”然后掩嘴笑，心情似乎爽歪歪。她说短短一个月，173cm高的她由最初130磅减到120磅，其实非常厉害，她说减肥从不会节食：“因为做trainning会有好多体力，我惊唔食嘢会晕，所以用咁多体力我都会食啲高热量嘅嘢食，消耗到之余都可以有力啲。”。不过她觉得有美中不足：“我都想自己有腹肌，但得返一星期，嚟唔切㗎喇。最想就系大脾可以瘦啲，但呢啲位真系太难减，呢排太忙，泰拳都少打。”减了十多磅其实都辛苦，可爱的Mandy自爆有偷食零食：“都有食少少，但尽量拣啲唔太肥嘅？（有零食唔肥？）朱古力我会拣浓度85%以上嘅，因为会有精神。”原来偷食都好讲究。Mandy口才比以前好了不少，她透露有上口才班：“导师觉得我最需要改都系唔好成日郁嚟郁去咋。”

另一方面，雷庄𠒇身型最正，她说本身都有自信：“我一直都有做开运动，但唔会觉得自己赢晒，我都系做返自己要做嘅嘢，但如果其他佳丽需要我，问我意见做咩运动系最啱，我都会帮佢哋嘅。”既然Juliette 咁讲，就问一问会点样帮张宝欣做运动？她说：“如果佢要练肌肉，咁就要做多啲心肺运动，同埋做多啲重量训练，个啲方法系最快。”

而张宝欣都知道自己仲有啲肉地要减，她略带尴尬地说：“其实我都觉得我要减下大脾个啲位嘅，但系一个星期都真系好难减得切，冇㗎⋯再努力喇。”问到家姐最近是否忙住拍拖，都冇咩点提供心得，张宝欣说：“都唔系吖，佢好幸福，但我哋都有一齐做运动㗎，不过佢做嘢本身都好忙喇！”