【贱民20】吴海昕做跟得女友　王宗尧唔怕被另一半搜屋

撰文： 邝钰莹
出版：更新：
吴海昕在公屋长大，拍摄场地令她有回到家中的感觉：“以前街坊关系好好，妈咪都会比我喺走廊踏单车，所以我技术都几好！”

陈炳铨、王宗尧及吴海昕（Sofiee）日前于屯门屋村为ViuTv剧集《贱民二十》赶工，其间街坊闻风而至，要求与众人合照。剧情讲到吴海昕初访王宗尧屋企，唔觉意发现有女性用品，吴海昕话自己虽然系“跟得女友”，但甚少check男朋友，反而常遭男友偷拍丑态食相上载社交网站！而王宗尧就话自己平时会揾波友、爱猫成为挡箭牌，唔会比另一半揾到蛛丝马迹：“我屋企好多猫同踢波嘅嘢，所以好难摷。（发现女士用品？）我有好多借口话唔知边个濑低咗，我帮手攞番啰！”

王宗尧及吴海昕于剧中维持性伴侣关系。

陈炳铨表示难忘与王宗尧“半”裸跑戏份，跌落城门河一幕亦令他印象难忘：“开头真系唔觉有咩问题，点知一潜入去全部都是污泥，三米内范围都是黑色！（屋企人有冇叫你唔好咁搏命？）咁我工作还工作，都系得导演可以比意见我架咋，咁其实都唔系好搏命，我都打孖上著左两条底裤先跑，怕走光！”

陈炳铨、吴海昕同王宗尧于剧中，因各自的问题而经常结件行动，誓要有一番作为。