林志颖发现屋企有个宝藏　梳化背成地垃圾谁是凶手？

养儿育女虽然辛苦，但系有时都好多趣事，林志颖有个8岁大仔Kimi同一对岁半孖仔Jenson及Kyson。林志颖平日忙住赛车都会陪3个仔玩，微博好多家庭乐照片，不过林志颖一定好少打理屋企，因为佢竟然喺吸尘嘅时候发现咗“宝藏”。

林志颖喺屋企吸尘，点知一拉开张梳化，竟然藏满一地杂物，啤牌、胶叉、橡筋、胶碟，连遥控器都有一个，场面都几震撼！林志颖都话：“今天想说来吸个地吧，把沙发一拉开，我无言了，到底谁丢的？”好明显嫌疑人有3个，但系林志颖应该冇教训咁可爱嘅疑犯啦！

之不过呢件事令网民好有共鸣，留言话自己都遇过呢个情况，有啲更试过返到公司至发现手袋多咗个奶樽同遥控器，非常搞笑！

睇番林志颖啲家庭照，梳化后面被遗弃嘅遥控器竟然有出现过，大仔Kimi曾经攞住5个摇控器喺床上玩，其中一个就系受害遥控器，睇嚟Kimi对摇控器情有独钟㖞！