【开心速递】林淑敏演恶女入屋　大小姐其实好温柔：我唔识闹人

《开心速递》除了豹哥、长脚蟹等，一众配角亦抢镜，大小姐、ＫＣ、Terry、大少、Helen姐等几位角色都相当入屋，尤其饰演大小姐的林淑敏，今晚(15日)那集尖酸刻薄，亦不懂撒娇，但现实中的她其实是一位很谦虚的演员，她接受《香港01》访问时，说：“其实我唔识闹人㗎，如果我闹人把声应该系死气沉沉，同埋我唔闹人㗎，我觉得闹人好嘥力㗎，我唔想个人太易激动，因为我身体情况，如果我冇听日的话，我今日就要开心，同埋我冇对象闹人，我老公都唔同我闹交嘅，我系一个基督徒，我唔系要做一个神圣嘅人，咁over，但起码俾人知道有啲行为要端正。”

除了大小姐外，网友最记得《真相》剧中饰演濶太的她，那段演出更成为热门cap图，那剧后林淑敏不时都会饰演恶女上司或有钱人，今次饰演大小姐，剧中经常闹吕慧仪、或者“寸”下一班下属，观众睇得开心，但林淑敏归功背后的工作人员及演员，她说：“我初头唔识做，我唔知𠮶嘴脸应该系点？我要做到好阴质，我记得拍到二十几集，监制（罗镇岳）落嚟揸埋摄影机，佢话俾我知部机点影我，大小姐行入嚟应该系点？佢逐句对白同我讲一次，语气系点，咁我先明，之后我哋拍office戏，KC瑞伟哥，佢好似我哋阿妈咁，佢会预早约我哋返去倾剧本，会叫我哋早啲返，大家一齐研究下点做，大家应该点接，所以大家睇我觉得过瘾，唔系我功劳，系编剧、监制、导演、瑞伟哥佢哋帮我。”

2011年林淑敏患上第二期乳癌，那时的她更甩了所有头发，之后抗癌成功，令她整个人更硬净、豁达，她说：“我好记得有个讨论区留言‘佢唔系生cancer咩？点解仲未死？’（有冇觉得唔开心？）唔会㖞，咁好多人觉得生癌就会死，老实讲，呢个系公民教育唔够啫，我冇唔开心，因为之后有个人留言话‘佢带咗咁多欢乐俾我哋，我哋应该祝佢身体健康。’我睇到呢个留言好感动。”