陈炜上节目为前夫解画　传偷食原来系食死猫：报导中嘅女仔我都识

早前有杂志报导陈炜婚变新闻，才揭破炜哥原来跟富商老公颜志行已离婚５年，二人性格不合分开本来天经地义，但网民就对炜哥人前扮恩爱有点意见，尤其上年她主持《炜哥的味道》，更邀请老公任嘉宾，二人在节目中一齐煮𩠌、互喂，非常甜蜜，好多网民觉得她当时在讲大话。

陈炜日前(9日)接受《娱乐直播》访问，亲自解释婚变，她说：“５年前其实已同先生离婚，而报导中𠮶位女士我都认识，绝对唔系报导中所讲嘅事，冇任何关系，佢哋有自己共同嘅朋友，咁啱𠮶个朋友就结婚，分别请咗佢哋去饮，所以佢哋先至喺同一时空出现啫。”炜哥亦为被指在《炜哥的味道》中扮恩爱一事道歉，她说：“....因为佢对拍摄好有兴趣，对食材亦好有认识，佢当时提出话探我班，话想体验下，我邀请佢，佢亦好乐意地帮忙出镜，当时都有谂过好唔好呢......如果大家觉得我隐瞒嘅，咁我讲声唔好意思。”