马德钟大张曦雯22年　做情侣无问题：大家都差唔多年纪

今年适逢无线50周年，真系邀请了好多演员回巢拍剧，有张卫健，宣萱及林文龙等。离巢两年的马神马德钟都返TVB拍《跳跃生命线》，今日马神就与剧中一班演员包括张曦雯、何广沛、刘佩玥及陈滢等人于电视城出席拜神仪式。马神今次同张曦雯饰演情侣，但他们的真实年龄其实相差22年，好似做父女更适合，马神笑言对呢𠮶安排唔意外，“我地完全无generation gap，大家都系差唔多年纪。”另外他透露今次为了回巢，不适推了两部内地剧集，“损失几多就唔讲喇，唔好用钱衡量，既然接到呢套剧就做好佢。”

马神仲话今次剧集好多都系未合作过嘅演员，“咁我当然知有呢一班人喇，佢地系俾到惊喜我，演技好自然好有自己一套。佢地都好聪明，有咩偏差一讲就明。”提到今次回巢系咪帮仔仔马在骧入行铺路？马神指从来无谂过呢啲嘢，并透露仔仔现时正独自一人在法国放暑假，“佢嘅路向由得佢自己去做，我又唔知佢系唔系想做呢行，到时佢真系想先考虑，我觉得而家俾佢感受下世界先。”