【环保公敌】船P男女互掟彩粉好冇品　欧铠淳：尽量玩啲处理到嘅

撰文： 陈浩贤
出版：更新：

炎炎夏日，约埋一班好友开船P，玩下水上活动，一个字“爽”呀。但近日网上疯传一班年青男女，带埋彩粉上船开P，紫红黄蓝颜色应有尽有，之后当然是来一次彩粉大战，在相中见到这班男女，在大型水泡浮床上，互相抛掷彩粉包，一时间漫天也是五颜六色的彩粉，不但他们由头到脚都染上颜色，而彩粉亦无可避免地飘散入海，毫无环保意识。

近日有人开船P时，竟然玩彩粉大战，有污染海洋之嫌。（网上图片）
漫天粉末，将自己的快乐，建筑在破坏海洋之上。（网上图片）

事件在网上疯传后，随即被网民声讨欠缺环保意识，污染海洋，而有份出席船P的男女，却坚称彩粉无害，反指网民是小学鸡，未问清楚就环保战士上身，其中一位有份去船P的男士留言表示“买彩粉时都买粟米粉mix食用天然植物色素嘅粉，安全到人都可以食，而且问清楚唔用高压喷枪射和明火，一定唔会发生尘爆，如果要比呢啲粉更唔污染海洋，除非妳唔洗碗、唔大小二便、唔洗手啦”，其后更建议网民如果要Post相，麻烦Post张他谷了肌的图，嚣张言论，完全无惧网民对他的指控。

彩色遇火有机会爆炸，希望当日冇人食烟。（网上图片）
船P男女正准备大战的彩粉包。（网上图片）
Copy（左）声称由于自己皮肤过敏，当日冇份玩彩粉，而且全不知情。（网上图片）
其中一位船P成员，反斥网民小学鸡，环保战士上身。（网上截图）

至于其中一名出席船P的短发少女，更被网民起底，原来是私影模特儿Copy Lo，他称自己其实是被人摆上台。Copy接受《香港01》访问，“我唔知佢哋带(彩粉)上船玩，都冇参与，当日我系度同男朋友facetime紧，唔知佢地玩呢啲。(为何不阻止同船朋友玩彩粉？)我都系睇佢哋出Po先知，我自己冇玩，因为我皮肤过敏，唔会接触呢啲嘢。”Copy坚称自己无辜，但要说人在船上，却对其他人玩彩粉全不知情，却难以令人信服。

海上一大片彩粉，真系冇污染？（网上图片）
欧铠淳话处理到，带得走啲彩粉先好去玩。（资料图片）

这些彩粉会否影响海洋生物，还是未知之数，但却会令海中的能见度降低，甚至影响到水质。香港女飞鱼，游泳运动员欧铠淳，除了在泳池练水外，亦爱到海滩畅泳，她知悉船P彩粉事件后，她表示“首先要睇下啲粉有冇害处，正常都系一啲化学物品啦，落到海一定唔系好，不过我都唔知啲粉嘅成分，可唔可以分解？最紧要系对生态冇影响，要尊重大自然，呢样嘢系最基本嘅。(妳建议大家唔好在海上玩彩粉？)要尽量玩啲处理到嘅嘢啰，行山都会执走啲垃圾，执得走啲粉先至好去玩。大家要清除啰，要谂一个方法去解决。如果佢哋可以咁犀利揾到方法清除，佢哋可以玩啰。”其实出海大把嘢玩啦，何必一定要玩有机会污染洋海的彩粉呢？大家都是地球一份子，谨记要环保呀。