雷深如承认做独立自资歌手路难行　宣告暂别歌手身份：好辛苦

雷深如（J.Arie）今日（13/2）现身葵兴音乐室为2月15日演唱会《J.Atriarchy》彩排。雷深如出道11年，将以这个演唱会作最后终站，暂别歌手身份，而有如此决心，并非冲动，她表示：“其实我个人觉得，𠮶样嘢总会有终点，如果话俾自己听系最后一次，就必须一定要全程投入，明白到唔会再有下次，变咗我系会俾晒我嘅所有，反而对我嚟讲系一件好事。（有冇谂过歌迷会好唔舍得你？）我相信乐迷们系会唔舍得，但我会同佢哋讲，可以喺唔同嘅途径都可能会见到我嘅，唔净系只系出嚟派歌就派歌咁。可能日后可以喺舞台剧见到我呢，又或者我会做演员，同埋有幸见到我喺人哋只歌度会见到我参与呢。”

被问到是否歌手路难行，过程导致身心疲累，先作出这个重大决定？雷深如表示：“毕竟做咗独立自资歌手已经有五年时间，系辛苦嘅，同埋每出一首新歌嘅时候，都要好精，唔会乱咁去出。就好似我𠮶只新嘅大碟，里面有十首嘅新歌，就系我呢35年想讲嘅嘢，都写晒出嚟。”