富四代钟培生杀入日本创业　受日本网红欢迎仲俾粉丝“示爱”？

“富四代”钟培生进军日本市场，但不是大搞电竞行业，而是投资买地兼创业代理美妆品牌。昨日（2月13日）他在日本东京市中心地段Roppongi Hills举Glycel Pop-up Store记者会，更邀请了Netflix 人气漫改影集《Alice in Borderland》《今际之国的有栖》中饰演水鸡光，兼品牌代言人朝比奈彩及香港传媒、日本传媒及美妆KOL出席，场面热闹而虚冚！

林迅景 摄

钟培生豪使“半层楼”大搞

钟培生接受《香港01》访问，表示“拣”地方开Pop-up Store也经过细心考量：“六本木系东京最高尚地方，agent都问我点解拣Roppongi Hills而唔系mid town，都系同一价钱，因为全国都知边度系Roppongi Hills，但系可能得东京人先知边度系mid town。拣就拣最贵（最好），第一次唔可以失礼人！”他透露，投资了“半层楼”金额代理。

讲到代理美妆品牌的原意，他就解释到，做生意主要都是将用户流量变现，他发现日本社交平台或传媒中，很多流量都被低估，说：“我做咗流量变现十几年，团队亦都系最专业，点样将流量变做钱。”他表示，会主攻用KOL带货形式去推销品牌，坦言预期一年左右就回本！

揾朝比奈彩做代言人：因为唔会传绯闻！

提到与朝比奈彩签约做代言，他表示只用了一次见面时间就倾谈好所有合作事宜：“个老板同我倾，朝比奈彩准备生小朋友，又系靓妈妈。我去到同老板倾偈，我哋用十分钟，就已经握手签约讲价钱，成件事快靓正，连日本人都话：‘系㗎啦？’讲完就过埋数啦！（几钱？）呢个唔讲啦，但系相对喺香港揾日本艺人就平好多。（悭咗层楼？）真系悭咗唔少钱！（成件事用咗几钱？）你当超过四百万。如果咁样去计，今日应该可以攞返七成，我哋嚟紧就入伊势丹，因为佢哋都觉得我哋正。（点解揾朝比奈彩做代言？）佢好高贵，亦都系一个妈妈，香港方面亦都有用靓妈妈陈凯琳，同一个形象，而大家都会睇《Alice in Borderland》，所以佢系一个绝对合适嘅代言人。（因为揾个妈妈唔会传绯闻？）梗系啦！”

钟培生：与其执自己个样，不如用时间揾多啲钱

代理美妆品牌，是因为经常被“连登仔”笑“搞好啲皮肤先啦！”？他回答：“唔关事，因为我不嬲大男人思想，我觉得与其有时间执自己个样，不如用时间揾多啲钱，去照顾妈妈，我啲异性朋友，女fans，我哋经过咁多女士意见，Glycel系一个最正嘅品牌。”

钟培生表示，早前拳赛有外围盗播，近日有裁决判他胜诉，虽然未知被告一方要赔偿多少，但仍令他感到开心。

情人节收三份朱古力

留在日本一段时间，“富四代”钟培生有没有艳遇？他回答：“我好希望喺日本专心做嘢，有好多同事摆咗好多希望同信心喺我身上，所以我都系要专注喺事业上，令到大家一齐赢，而唔系欣赏呢度风景，动画同埋美食。（有冇女仔做主动？）我今日回复咗中学生回忆！收到三份手做朱古力，你哋恨唔到咁多㗎啦！”