张继聪抱囡囡睇《失恋日》　张靖见父被斩肉紧大嗌：爸爸、爸爸

相信好多家长陪小朋友睇电视﹑电影都系选择一些益智节目或卡通片嚟睇。不过张继聪这个爸爸就与众不同，竟然畀囡囡睇《失恋日》这部列为“IIB”级的电影，相信他都知道即代表青少年及儿童不宜睇嘅，不过他就一于少理，真系名副其实的搞鬼爸爸啊！

自从诞下女儿张靖以来，张继聪就有女万事足，不时在社交网站分享与女儿的生活点滴。昨晚他又上传一则抱住五个月大的女儿张靖齐齐睇返自己同邓丽欣主演的电影《失恋日》。张靖一边睇一边咿咿吖吖，非常可爱。不过当电影播到一段张继聪被李嘉追杀，搞到成身血伤时，张靖就睇到好肉紧仲皱晒眉头，一直叫出：“爸爸，爸爸～”，画面十分有爱。而张继聪亦开心留言：“依位女观众睇到好投入。拍摄依幕嘅时候，又热又攰又打到周身痛，爸爸一谂住系妈妈肚里面嘅你，就充满力量一眨眼，你就陪住我一齐睇依一幕。”好温馨呀！

这一幕既可爱又温馨除了吸引不少网友大赞之外，就连不少圈中好友都忍不住留言，就好似《失恋日》的导演叶念琛都话张靖：“细个已经咁有品味”；靓妈杨千嬅则大赞：“so sweet！”其后张继聪立即回复：“你有冇试过同仔仔一齐睇饺子”搞到千嬅都呆一呆：“系咪玩嘢先”，其实都系嘅因为《饺子》绝对比《失恋日》更恐怖同血腥，又点会畀仔仔睇呢？张继聪见状后都立即补镬：“sorry sorry ，咁行运超人啦”，二人的对话十分搞笑。不过，睇到张继聪这个行径就知道他是一位几特别的爸爸，尽显自己搞怪一面。