美女玄学家同七师傅拍档主持　网友疯狂追问“靓啲𠮶个”系乜水

七师傅（七仙羽）早前为HOY TV 77台主持农历新年玄学节目《开运秘笈2025》。睇开运秘笈和七师傅表演之外，不少网民都好奇“靓啲𠮶个”女主持是谁，更留言追问：“有冇IG？”。节目谁持之一的乐翊榆其实已入行有一段时间，并多次在HOY TV中亮相，精通玄学风水的她，更有“美女玄学家”之称。

乐翊榆接受《香港01》访问时，表示好开心能够继续参与节目拍摄，也从其他嘉宾身上获益良多。她说：“今次系我第二年主持呢个节目，亦都系同七师傅嘅第二次合作。我觉得同七师傅合作好开心，好有火花。因为佢真系好劲！转数好快，而且每次都好期待佢讲嘢，因为你唔会估到佢想讲乜。例如有一次，佢竟然帮Brain作左首关于火嘅歌，真系搞笑，佢仲话系配合八字需要而作，真系有才华。”

乐翊榆又说：“咁七师傅嘅优点都唔止咁少，例如佢有急才，人缘又好，又照顾后辈，又好识得宣传自己，又识制造话题，最重要一点系有综艺感！”她坦言，自小就较斯文内敛，所以七师傅就似是她在综艺路上的学习榜样。她说：“做综艺节目，除咗要对答流畅，仲需要演技嘅。我喺佢身上学到好多。”

乐翊榆也表示，在幕前的七师傅充满住搞笑气场，而镜头后的她反而十分有反差。“可能佢嘅工作比较繁忙，镜头后佢系比较安静，除咗会争取休息瞓觉时间，仲会自己准备好拍摄嘅内容，度想搞笑嘅位，好专业㗎。平时佢好安静，但系一roll机，佢就会好有Energy。”

她亦透露，除了玄学风水外，也取得了催眠师资格。她说：“由细到大，我都对命运和人的性格心理充满疑问，所以冇夸大咁讲，我由10几岁开始就研究八字，之后再学阳宅风水和易经。近年仲考咗催眠师资格同埋Reki 能量治疗。”她也表示，现正筹备年底开张的医美品牌，直言：“我平时钟意扮靓，有呢方面经验梗系要分享畀大家。”

美女玄学家乐翊榆教催旺桃花三大必胜法　呢个时间要饮“桃花水”

自我暗示　提升自信

乐翊榆接受《香港01》访问时，表示想催旺桃花的话，可以由“外敷内服”三方面着手。她说：“第一样系从心理角度出发，通过自我暗示方式去提升自信心，就好似每日都住块镜赞自己好靓咁。”

乐翊榆表示，这个方式一点都不复杂。她说：“每人每年运程都唔同，当𠮶年运程唔好，例如收入差咗，做事唔顺利，就有可能影响自信心。呢个方法系增强自信心！首先要揾个地方放松自己，最好系喺床上面，深呼吸三下，想像你嘅头顶有一度光，度光由头顶慢慢传到去脚底，个人跟住度光由头到脚都慢慢放松，之后你就会感觉到脚部会有麻痺感。”