大S感染流感日本逝世　林晓峰滑雪未惊过会染疫：我系几谨慎嘅人

林晓峰（阿Lo)今日（11/2）现身香港电台电视大厦出席港台电视31《中华知识王》 名人赛录影。被问到新春假期出国旅行滑雪，阿Lo接受《香港01》访问时笑言：“其实每次去完旅行，我都会尽量令自己唔记得去咗边，因为我想快啲开工，唔钟意放假。（系因为放假要使钱？）唔系，因为放假冇增值，呢次滑雪我都玩咗差唔多一个星期。（都系去咗日本 ？）都系，其实我都想去吓周围滑雪，我知北京，东北𠮶边有好靓嘅滑雪场，反而我好期待香港有一日都有滑雪场。”

被问到得知徐熙媛（大S）在日本感染流感肺炎离世消息后，会否担心自身安全？阿Lo表示：“首先过咗去嘅新闻我哋唔好再讲，同埋希望所有人都安安全全，大家都顺顺利利。（当时会唔会担心自己都会病？）本身我自己都系一个几谨慎嘅人嚟，咁所以一路都要小心，同埋谨谨慎慎。”