丁子朗同冼靖峰感紧张跳得唔好冇下次 文佐匡嬴马请食饭：好震撼
日前（9日）无线举行“TVB赛马日”，旗下一班艺员盛装出席，胡枫更化身财神现身马场，成功吸睛。姚焯菲、钟柔美及林智乐打头阵于沙圈劲歌热舞，而《亚洲超星团》（丁子朗、冼靖峰、黄奕斌、黄星绰、文佐匡）亦在马场表演，成功吸引到不少TVB粉丝到场支持。
丁子朗、冼靖峰、黄奕斌、黄星绰、文佐匡接受传媒访问时对于再合体表示很开心，丁子朗说：“好开心受到公司要邀请啦，畀咁多位嘅高层，欣赏我哋跳舞有冇进步到。”但就未有机会问他们的意见，他更指：“我觉得我哋好用心，我哋为咗呢个show呢，寻日都特登自己book咗个跳舞房去练咗几个钟嘅。”丁子朗更指虽然这首歌已经跳过几次，但都希望“精益求精”：“每一次都唔好令到观众失望。”
黄奕斌都表示很开心：“喺新年新年流流，同大家喺Racing Day呢度我哋可以表演到，我觉得系一件好开心嘅事。”文佐匡则指：“如果跳得好唔好，我都系会跳紧。”大家都表示要之后看影片才知道跳得好不好。
被问到会否特别紧张时，冼靖峰就指其实每次都会紧张：“我觉得呢种紧张系好事嚟嘅，即系代表我哋好care呢个表演。好care每一次嘅演出机会，因为我觉得无论个场合系咩都好，我哋都好想尽力去做好佢。”但就指今次特别的紧张，丁子朗说原来是因为：“我哋嘅老板们一直都喺度望住我哋，金精火眼𥄫住我哋有冇进步，冼靖峰有冇跳好啲舞啦，我哋唱歌有冇唱得好咗啦。咁所以系紧张嘅，咁但系好似有一句咁讲，因为其实我哋都好明白嘅，如果我哋跳得唔好嘅话就唔会再有下一次机会，咁即系每一次都用最后嘅机会嚟跳！”
大家被问到有否向老板们拿贴士，丁子朗就大爆文佐匡嬴了钱：“我同细Hugo一齐第六场出咗去睇，跟住就谂住现场去睇我𠮶只马，跟住我哋喺度睇呢，就好震撼嘅！睇住只马，因为我哋咁啱一门口呢就系佢哋𠮶个finish line，睇住只马喺度冲，跟住我哋两个一齐keep住啊keep住啊！跟住就跑咗出嚟，就几正！”
黄星绰则指自己其实没有买：“我就冇买到嘅，但系呢我都几享受𠮶个有啲似竞技咁样嘅一个运动啦，我觉得系几开心，即系打气见到自己打气𠮶只马，跑咗第一咁样。其实我想补充返呢讲起跳舞点解紧张呢，因为我哋虽然初恋表演咗好多次啦，但系我哋每次可能人数有少少唔同，咁我哋都会有少少或者系场地嘅限制，好似今日个台就比较细啦，咁我哋都会有少少嘅调整。但系我哋嘅调整呢就系寻日调整完，今日就要表演啦。”黄星绰立即表扬跳舞比较差的冼靖峰，因为他学新舞蹈有进步：“冼靖峰佢学新step，但今日系冇问题嘅，佢跳舞进步咗，学得快。”
他们被问到除了演唱《初恋》外，还唱了什么歌，大家都异口同声说：“《小幸运》！”至于选《小幸运》的原因，丁子朗则表示：“因为我哋想将我哋嘅幸运分享俾观众。”