渣马2025｜黄建东带严重脚伤上阵跑毕“半马”　背后藏超励志原因

一年一度的《渣打马拉松2025》于日前2月9日举行，发哥周润发、周家怡、林子善、梁诺妍等圈中艺人都有参赛，其中一向予人“肥嘟嘟”充满喜感的TVB艺人黄建东更参加了21公里的半马赛事，并以2小时25分完成赛事。赛后他接受《香港01》访问，原来此次参赛是带伤上阵。原来带伤上阵的背后，有一个十分励志原因。

黄建东回答：“因为上年参加《福禄寿》嘅时候丧减肥，行跑步机嘅时候较到最斜嚟行，𠮶时整亲只脚所以有足底筋膜炎，6月整亲，下半年去医嘅时候，医生都叫我唔好练（跑步），所以都唔敢练住。有几严重？其实一路行都会痛，直头唔想行，但系你知行路每日都需要，同埋我个人好易肥返，上年下半年瘦咗30磅之后，我都要keep住去踩机，做带氧运动令自己唔好肥返。”

黄建东曾于几年前参加过10K赛事，他直言，难得瘦了30磅所以想挑战自己：“唔想食老本。我好想挑战自己，挑战半马，因为半马真系唔容易，唔容易之余我觉得自己有机会做到。”

正常情况之下，参赛前受伤，明知参赛有机会令伤势恶化影响健康，又未知自己能否完成，在种种不可预期因素之下，可能都会选择退赛，或转组跑较轻松的10K赛事。为什么黄建东会这么坚持呢？

他说：“因为我唔想俾人睇死。因为好多人都觉得：‘哗，你唔得㗎啦，阿东。你又冇练过，又有脚伤，一家唔得㗎啦。’我觉得跑马拉松就好似人生，我嘅演艺事业一样，都有好多人同我讲：‘你唔得㗎啦！’‘你都做咗十几年啦，你唔得㗎啦！’但系心底里我真系相信自己！我知道自己有咁嘅能力，知道自己系得嘅！”

他表示，今次跑“渣打马拉松”半马赛事就是想和这些声音说，他可以的！他说：“人哋觉得我演艺事业得咁多，我就唔相信我演艺事业得咁多，自己可以更上一层楼。我想讲，入西隧嘅时候，我真系想喊，因为我好感动。我觉得自己系得嘅，无论几多人睇死我都好。”