支喾仪日前举家快闪台湾旅行中伏 全天候凑仔：长时间同佢作战

支喾仪（Venus)和吴大强今日（7/2）现身旺角出席周吉佩《延续·第三人生演唱会》宣传活动。Venus接受《香港01》访问时透露，新春期间与家人快闪台湾4日3日，竟换来体力大透支，回港后瞓足3日：“其实见有几日假期，就即兴带埋个囝飞过去玩几日，点知去到当地，因为系新年节日，原来好多路边摊档系唔开，变咗冇嘢好食，同埋去到𠮶度，都系全天候凑住个仔，系冇得享受嘅，囝囝每晚去到11点都唔瞓觉，我真未试过24时凑住佢，变咗我系长时间同佢作战，都真系好攰。”

相反吴大强听到Venus与囝囝亲子过程表示相当羡慕：“其实我系好怀念𠮶阵时对住啲小朋友𠮶种感觉，而家佢哋都大晒。以前佢哋细个黐我，到而家我想黐佢都唔俾你黐，变咗而家剩返我哋两老。（叫阿仔娶老婆生B！）应该会啦，等佢哋自由发挥（儿子拣老婆需要过目？）而家唔使啦，我相信佢哋有独到眼光嘅，拣个好似我太太咁好嘅好新抱俾我嘅。”