周吉佩积极备战演唱会狂操肌 懒理爱妻钟意有肉地：话知佢

周吉佩（吉吉）今日（7/2）现身旺角出席周吉佩《延续·第三人生演唱会》宣传活动。吉吉接受《香港01》访问时表示：“距离22日剩返唔系好多时间，而家最紧要系练好啲歌先，同埋要做好健身同跳舞等等。因为上年11月尾完咗个骚之后，我就休息咗一个长嘅时间，不断吃喝玩乐咁，咁变咗啲肉松弛咗少少，咁所以要努力啲修身。”

被问到身形走样爱妻有否不满？吉吉笑言：“其实佢就冇刻意去监控我嘅饮食习惯，相反佢系唔想我咁Fit嘅。（老婆怕冇安全感？）其实佢不嬲都唔钟意我太Fit，佢系想我有啲肉地，会觉得得意啲。但粉丝就唔会咁觉得，佢哋会话我要再Fit啲。（如何取舍？）我话知佢啦，我咁梗系一定要Fit啲啦。（自己嘅要求系点？）其实我又唔使话8嚿腹肌嘅，就咁瘦返啲就够。”