晶女郎文凯玲工人走佬 劲无助求救︰而家我可以点算好？
撰文： 洪晓璇
出版：更新：
“晶女郎”文凯玲（Connie），与拍拖五年的圈外男友Jason去年3月结婚，当时双喜临门，7月初上载同老公一齐捧住BB手仔的照片，宣布囡囡IYLA平安出世！产后专注照顾女儿，岂料Connie突然在IG TSORY求救，称工人姐姐突然走佬相当无助。
Connie在IG STORY以黑底白字写下长文，指工人姐姐要求辞职马上返菲律宾：“其实佢已经唔系第一次讲话唔做，又话同老公闹交又话挂住啲仔女，但系之前佢好快就后悔话佢只系乱咁噏，所以今次我地应承咗佢畀佢执嘢走。帮佢准备埋辞职信，话埋俾佢知我地同意佢即刻走，唔使一个月通知亦都唔使赔一个月钱俾我地。”
本来Connie两夫妇以为退一步，放走工人姐姐就了心事，岂料又遇上麻烦：“但系佢话唔想即刻签，想去当时请佢𠮶间中介公司度处理剩低嘅手续。结果个工人姐姐执晒所有嘢离开咗我屋企，然后仍今日无去到个中介公司，夜晚我发讯息提醒佢，听日记得去中介公司处理手续同埋收钱。结果佢覆返我话佢唔去﹗唔通佢连钱同机票都唔要？而家我可以点算好？”