今晚乜都拗｜陈懿德唔认同畀郑衍峰话硬颈：唔好尝试去改变佢

无线全新节目《今晚乜都拗》由森美做主持，日前（6日）举行记者会，一班艺人丁子朗、陈懿德、麦美恩、郑衍峰、支喾仪、周吉佩等人都有出席。但陈懿德竟然“畀人恰”？到底发生什么事？森美表示陈懿德是最能够展现出自己性格的人，立即被人问到底是什么性格，森美：“乜嘢都拗，拗乜嘢都好似唔系好得咁样。”

陈懿德及郑衍峰接受《香港01》访问被问到新年去了哪里玩时，陈懿德表示整个新年都在工作中渡过：“我完全系收唔到自己几时收炉，几时启市。”但她就很享受工作，因为“就可以好似年头做到年尾咁样”。而郑衍峰则表示自己整个新年都在工作，除了初一初二主持节目外，之后都去了拍剧：“反而呢大家休息嘅时候，我哋又工开啦系咁就最开心，做主持嘅话最紧要就希望有唔同嘅job。”

年初二的时候，陈懿德及郑衍峰峰为香港烟花再合作做主持，被问到再合作时，有没有什么不同时，郑衍峰指“容易咗同埋默契好咗”，陈懿德更笑指二人已经成为“烟花孖宝”。郑衍峰就希望除了烟花外其他工作都可以有：“希望其他唔同嘅job都有，其实我觉得尤其是主持，因为每一次都有好多唔同嘅变化，跟住每一个job都有好多机会，唔系话出事，好多唔同嘅突发。其实你有一个好相信到大家嘅拍档，呢下好紧要，即系可能呢一句唔使讲佢会讲，所以大家有一个默契系好紧要。”

郑衍峰自爆近半年都会一起去联谊，而联谊会做的事就是打麻将：“打麻将会倾计，倾计嘅时候就可以增进一啲默契方面嘅嘢。”更透露下个月二人会一起到外地工作：“我哋一齐去韩国做一个MC，呢个都好开心，希望陆续有嚟可以拍多啲。”

郑衍峰提到认识陈懿德原来是因为《港姐再竞选》：“完咗之后知原来系呢个女仔，佢讲嘢几得意。其实佢应该都系一个做司仪嘅行列好材料，可能私底下讲两句，不如你由东张开始再谂啲目标。”

陈懿德在节目中比较弱，她则指自己是“以和为贵”，但郑衍峰表示对她认识深了：“佢系一个谂嘢系硬颈嘅人，你唔好尝试去改变佢，你尝试去改变佢嘅话，佢就唔知去咗边。”但陈懿德就不认同：“我又唔系好认同呢一样嘢，我系有自己嘅谂法，但系我系接受人哋嘅谂法。”郑衍峰讲到当日拍完自己的份，但因为见到陈懿德跟陈晓华一起拍，于是就“攞住个饭盒睇埋呢一场”，更大赞“好睇”，因为陈懿德跟陈晓华直接去了对家：“你哋𠮶TEAM邓智坚，自己一个一打五。”

被问到火花及特别之处时，陈懿德表示有一集是与陈晓华同一队，同场的还有梁竞徽、李旻芳及邓智坚，而话题就是“究竟第一次约会，男仔应唔应该要畀钱”。陈懿德指：“我话唔应该畀钱，我觉得男仔唔系suppose要畀钱嘅。咁跟住之后佢哋就话，突然之间好似同平时好唔同，佢哋就话咁如果你食咗块猪扒，咁点计？”郑衍峰指陈懿德“完全反应唔到”：“你应该咁拗嘛，你企𠮶个方位就系啲人话我咁有钱，我话唔使啊，我唔畀男仔畀钱嘅！千祈唔好畀钱啊，以后都唔使男仔畀钱嘅，咁就赢咗。”

陈懿德向镜头说：“我唔畀你畀钱！”即被郑洐峰追问：“边个系你啊？”陈懿德被问个男仔是谁时，她二话不说就指是郑衍峰：“因为佢系师兄我就请佢食饭！”但就被郑衍峰笑指：“好朋友嘛！”相信大家对于“好朋友”，已经猜到十之八九。