今晚乜都拗｜森美意外“佢”最拗得仲好有逻辑　麦美恩自认歪理王

无线全新节目《今晚乜都拗》日前（6日）举行记者会，由森美做主持，一班艺人丁子朗、陈懿德、麦美恩、支喾仪、周吉佩等人都有出席。吴若希则在最后赶到现场，与丁子朗、森美及麦美恩重现当年拍摄《森美旅行团》的经典pose。

森美及麦美恩接受《香港01》访问时，森美笑指自己已“避年”很多年，今年却要破戒派利是：“我冇派咁多年利是，点会无端端系农历新年嘅时候会开记者招待会嘅呢？”其实是因为他的新节目播出：“有我哋咁多名嘴喺我嘅节目里面出现呢，咁确实真系要喺新春期间嗱嗱临见一见大家嘅。”

森美节目里有这么多名主持，被问到能否应付这班主持，够唔够他们“拗”时，他笑指自己不用拗，而是负责做“调停”的角色：“我就做咗个公正，因为佢哋就真系拗到面红耳赤。我最惊系咩，我惊佢哋见真样啊。”麦美恩就笑指“已经真咗”，更去到“拍台攞櫈”的地步，麦美恩更贴心提醒大家：“真系个音量要收细，因为呢个系乜都拗呢，唔系净系节目效果，系坚拗㗎！有啲系拗出火，完咗之后有啲都真系唔小心伤感情。”二人透露最后会“攞咗一啲大家啲私人嘅秘密，摆上嘢嚟闹。”更指每一集录完大家都要说“唔好意思”：“都要讲喂唔好意思啊，对唔住啊，系有呢个环节，但系唔会剪出街嘅！我哋完咗之后呢，系会有握手和解。”

森美被问到这么多的嘉宾之中，谁“最拗得”时，他表示是吴若希：“即系佢平时呢，你见佢恶，因为佢唯一恶嘅就系恶佢老公！但系原来佢讲起嘢上嚟都头头是道，有逻辑。咁Mayanne呢，就估唔到佢有感情，因为有一幕呢，佢净系喊啊讲到，因为讲到单身。”麦美恩则在旁表示“寂寞、空虚同冻”。

麦美恩被问到谁是她对手时，她表示是颜米羔，连自认是歪理王的麦美恩都不够他来：“哗，𠮶种咬住你唔放呢，哗坚持！系咪𠮶种有理讲不清，你唔好理！”连森美都忍不住要插嘴：“即系佢𠮶种理直气壮呢，就算我有时听到，你呢个好似讲得麻麻地㖞，但系佢依然理直气壮。”令到森美及麦美恩都甘拜下风。

森美已经考虑到下一辑要请什么嘉宾，他认为今次有一些比较弱的人，下一辑可以请一些“拗得劲”的人选来做固定嘉宾。麦美恩更建议下一辑节目名不是《今晚乜都拗》：“系《今晚嗌乜交》！”