𡃁妹李绮雯自爆大只男友四年前求婚 亲解至今仍未正式结婚原因
撰文： 张祖铭
出版：更新：
李绮雯昨日（5日）与男朋友梁恺杰（Ocean）出席ViuTV全新真人秀节目《大力情人》记者会，李绮雯接受《香港01》 访问自爆因拍摄而受伤：“因为拍呢个节目叫咗两次白车，入咗两次医院，第一次叫白车就系我生日𠮶日，第二次就系节目嘅尾声，而家都仲痛有睇紧医生，原因就一言难尽，大家一定要睇个节目。”
李绮雯自爆男友Ocean四年前求婚
讲到于2021年曾经在社交网站透露男友已经求婚，至今婚礼的进展，她表示：“系呀，求咗婚㗎啦！”Ocean则抢答：“婚礼几时进行？我都想知。”李绮雯笑言：“我好似曾经有谂过本身就谂住今年一月和二月嘅时候就结婚，曾经有谂过去清迈影婚纱相，曾经就谂过今年行埋礼。”
亲解至今仍未正式结婚原因
Ocean则解释：“因为中途发生过好多事，工作同埋突然其来发生嘅嘢，本身想搞婚礼都不断延迟，反而系我不停追问几时结婚，但佢成日都敷衍答我，就话你搞啦你搞啦！我就真系唔敢搞啦！”至于拜年的时候屋企人会否催婚，他们异口同声表示：“咁又冇㖞！”李绮雯：“边个够胆啊？净系话唔再派利是俾我。”提到结婚的地点考虑在哪里进行，Ocean则表示：“香港。”李绮雯直言有考虑海外结婚，并表示：“如果要安排亲朋戚友嘅住处同埋自己嘅住处好似有啲攰，可能净系签纸。”