刘温馨孖男友庞景峰情侣档拍ViuTV节目 亲揭效力TVB离巢真正原因
撰文： 张祖铭
出版：更新：
现年34岁的刘温馨（Virginia）曾经效力TVB十年，并于去年正式离巢，她昨日（5日）与男朋友庞景峰出席ViuTV全新真人秀节目《大力情人》记者会，她接受《香港01》 亲揭离巢TVB真正原因：“离开系因为我完咗合约，合约嘅时间已经到咗！我嚟咗公司已经攞到老人金牌(10年服务奖)，系时候要换一个新嘅环境出嚟自己闯，唔好留喺一个温室里面。”
当年凭《白色强人II》角色角逐“最佳女配角”
讲到当年有否失落没有得到万千奖项，她表示：“我都有拍摄《白色强人II》嘅角色，有提名最佳女配角都好感恩，好多谢公司俾机会，奖项嘅嘢冇咁容易嘅，当时都系天时地利人和，都有好多因素。”讲到较早前曾志伟回应“续约换奖一事”，她说：“呢一样嘢就唔系好清楚，我冇试过入围最尾嘅五强，所以我都唔知系点样嘅一回事。公司嘅嘢我都答唔到。”
传遭庞景峰母亲郭秀云棒打鸳鸯
被问到有传遭庞景峰母亲郭秀云棒打鸳鸯，甚至不看好二人的恋情一事，庞景峰接受《香港01》 访问表示：“其实我都好想知，直到而家佢哋两个都未见面。”谈及未见面的原因，他们异口同声表示：“我哋两个都忙紧。”庞景峰则回应：“返到屋企嘅时候我都要瞓觉同埋放狗，但系佢哋两个未正式见过大家，但系认识大家，好似有一次我出席节目表演嘅时候大家都见过，见过一次。”刘温馨则强调：“冇正式见面。”再追问庞景峰母亲对女友的印象，他直言：“我都好想知。”被问到会否相约食饭，刘温馨则表示：“我今年连屋企人都未见过，我哋工作第一。”