专访｜苏韵姿朱智贤盼对方揾到幸福　玩猜猜画画最终竟变相拥落泪

苏韵姿（Andrea）与朱智贤（朱朱）虽然在工作上从未合作过，但私下却是无所不谈的好姊妹，最心底深处的话都会跟对方分享。《01娱乐》趁新年考考双方默契，邀请她们玩“猜猜画画”，考验两位画功。去年对两位而言都是转变极大的一年，工作、生活都要重新适应，Andrea跟朱朱目前都是单身，虽然对恋爱不强求，但她们坦言替对方著急，讲讲吓更讲到揽埋一齐喊，尽见姊妹情何其真挚，绝对不是塑胶友谊！
服装：Snidel（朱智贤）
发型：Issac Lo @ HoLA il colpo hair & pets（苏韵姿）
化妆：Sakura（苏韵姿）

知道苏韵姿本身中文不是太好，都曾经担心她要玩猜猜画画会否连题目都睇唔明，但因为她平时都有画开画，靠画功搭够，与朱朱展示超强默契，二人尽展大笑姑婆一面，想睇她们玩贺年版猜猜画画的爆笑实况，请即睇片！

从未合作但情同姊妹　苏韵姿贪环保将碌柚叶赠朱智贤

Andrea与朱朱的友谊始于狗仔，两人在工作上其实未合作过，但一次做义工倾狗经，发现两个都养法斗，于是就约出来一齐玩，自此成为交心的好姊妹。在圈中要识到交心的朋友很难，不过Andrea认为：“我哋有一种信任，任何生活大大小小嘅事都有个人，唔使有啲咩戒备，可以好坦诚。”朱朱甚至形容：“我哋咁坦荡荡𠮶种程度系好难，我哋真系乜都讲， even好私人嘅嘢或者屋企嘅我都会知，呢样嘢唔容易。”

Andrea只身在香港打拼，家人全都在加拿大，她过时过节有时甚至一个人过，虽然是“鬼妹仔”，不过她最跟足传统的，便是用碌柚叶冲凉。朱朱听到即说：“你上年系咪买咗俾我呀？”Andrea笑言自己纯粹是环保，“因为佢买一包好多，我一个人住冲唔到咁多次，佢冲一次㗎咋嘛，跟住我话唔好嘥，分咗佢。”

苏韵姿离巢TVB后签约新公司　抱新人心态学习

去年对两位都说都是变化较大的一年，Andrea离开了TVB，Freelance形式接触到不同类型工作，过年前辗转签约新公司升阳娱乐文化，离巢后她才发现有很多自己听都未听过的工作，自己抱著新人心态去重新学习，请教身边前辈及旧同事，希望感少撞板。她说：“有好多嘢想尝试，啱啱呢一年就实现到，例如我本身唔系好够时间，工作繁忙未有时间安排到做老师教小朋友，或者做一啲义工、公益多少少嘅工作，主要时间都系返工，时间弹性咗可以接触唔同嘅嘢，就可以接触多啲positive impact嘅嘢。”

朱智贤面临分手丧狗打击　盼新一年一切向好

朱朱比对方早离巢，不过这一年生活中也面临不少冲击，“上年（兔年）年尾𠮶阵时离开公司几个月，展开咗新嘅旅程，以前好似个温室里面，过去十年习惯咗呢种生活模式，出嚟嘅时候好多嘢唔同晒，要自己去处理，但系而家都适应咗。自己处理有好多嘢都觉得好直接，同埋知道点样安排最好。之前要照顾一只病嘅狗狗，更加需要时间，更加Flexible，所以慢慢适应咗呢种模式，而家狗狗走咗，我就再更加自由啲，可以Focus多啲嘅工作。”朱朱11月宣布跟谢东闵分手，一个月后爱犬离世，可说是双重打击，她说：“希望出年更加好啰，因为2024都经历咗好多嘢， 2025应该冇乜特别嘢再经历啩，所以所有应该向返上，呢个新开始，重新适应！”

替对方感情事著急　深明互相择偶条件

新的一年，二人都希望可以有更多演戏机会，挑战不同角色；而Andrea表示自己再贪心些少，音乐剧、电影都想继续做，基本上度到期都会做。目前二人都是单身，讲到会否希望新一年有桃花，回复单身冇耐的朱朱较“佛系”，认为冇得强求，自言身边朋友反而比自己急，Andrea立即说：“我都急过佢！”朱朱反表示：“遇到就遇到，可能有一日从天而降，可能我阵间出门口就遇到呢？我觉得冇所谓，随缘啦，有就有冇就冇，我继续专心做我自己嘅嘢，因为我成日要拍网上平台啲片，谂好多嘢创作好多嘢，唔好分心好啲。”至于会否介绍男友畀对方，Andrea笑言身边冇乜好选择，朱朱竟问：“你啲咩朋友嚟㗎！”

Andrea透露早前有师傅说她要迟些才遇到真命天子，所以随缘，“我唔系要落闸唔识男仔𠮶种，但系我又未必会投放好多时间去主动去揾，或者追求呢样嘢。”她目前会先投放心机时间在事业，认为当人有自信，行出来感觉都不同，到时可能更易吸引追求者。此时朱朱说：“你要带出嚟俾我过目吓先！”二人似乎对对方的择偶条件都很清楚，Andrea认为对方适合的对象是善良、可靠、识照顾人、细心，最重要是喜欢狗狗，朱朱听罢也不停点头，并谓：“我知佢高要求嘅，都要拣心地善良同埋钟意狗，我觉得佢要拣一个佢欣赏嘅人，如果唔系佢搞唔掂，佢要好欣赏𠮶个人佢先会fall in love，其他嘢都唔重要。如果你一开始都唔欣赏呢个人呢，你直程系，bye。”Andrea直言：“系，如果唔系可能friend都做唔到。”

相拥落泪　盼对方找到真命天子

从玩猜猜画画到访问大部份时间，气氛都十分欢乐，但去到尾声，当记者要她们不如都送一个祝福畀对方，想不到Andrea一秒眼泛泪光说：“哗！咁样会整喊我，真系会㗎，我可唔可以唔望佢讲？唔得呀，因为佢真系好Take care我……”朱朱亦不敢望对方，怕忍不住眼泪，Andrea之后哽咽表示：“只系想你日日都开心，同埋揾到你值得嘅幸福，就系咁简单。”她坦言双方太了解对方，知道朱朱真的很善良：“佢值得拥有好嘅嘢。”朱朱亦祝福好姊妹：“希望佢继续做到自己想做嘅嘢啦，我都好希望佢快啲揾到一个人take care佢，因为我唔想佢喺香港咁辛苦。”她认为Andrea虽看来独立、硬净，但内心始终柔弱，希望有人会帮手照顾对方。

按下图睇更多苏韵姿朱智贤专访相：