HOYTV微短剧｜林颖彤大爆林德信半裸上阵　七师傅演阔太

HOYTV 于今个农历新年，推出首个自家微短剧《我家有囍事》，创电视台先河，找来资深电视剧监制廖晋硕领军，林德信、林颖彤、梁茵、七仙羽、李尚正、卢颂恩、阮伟伦等主演，为大家于今个蛇年带来无限欢乐!

首次于剧集饰演情侣的林德信(Alex)和林颖彤(Bella)，首日开工已经“玉帛相见”：“第一场戏已经系讲我哋喺酒店房度见面，我一入到去Alex已经除晒衫等我! 我简直大饱眼福呀! 哈哈哈! ”而Alex对自己嘅身形甚为不满：“因为成件事发生得太快，我根本冇时间准备，如果有时间嘅话，我梗系去举两下先啦! 所以我好唔满意自己嘅身型，不过而家科技咁发达，可以画上去㗎嘛! ”Bella就表明自己于剧中没有性感演出，所有衣著都是“包到上颈”，但现在还有时间可以去争取一下加戏份。讲到最难忘嘅对手，二人不约而同都是指七师傅，因为对方经常爆肚，难度及忍笑能力都要非常高。

一向搞笑非常的七师傅七仙羽，今次于剧中饰演一名阔太，所以自备很多私伙上阵：“因为我今次做一个有钱嘅太太，所以就要带咗好多名贵嘅珠宝，钻石戒指呀，手链呀，靓衫咁，希望大家喺呢个新年见到我靓靓嘅一面! ”

而饰演七师傅𡥧仔的阮伟伦就笑言全家人都兴爆肚：“除咗我妈咪之外，饰演我姐夫同埋家姐嘅正爷(李尚正)同妹头(卢颂恩)都好难对付! 记得有一场戏，我同佢哋两个逗利是，正爷一个柑飞埋嚟! 𠮶一下我真系吓亲! 但系take咗几个take之后，我开始挡到佢，所以每日都有好多突如其来嘅笑料!”

李尚正(正爷)同妹头卢颂恩合作多年，终于有情人终成眷属，于剧中饰演一对夫妻，正爷表示感觉amazing，深感荣幸之余，亦觉得配不起妹头：“讲真以妹姐咁优质嘅人，我何得何能做佢老公呢？但系而家仲可以将个过程拍咗出嚟，大家真系要拭目以待!”而之前在《我爱九龙城》和陈家乐做对手戏，今次就配李尚正，妹头却希望可以选择林德信做情人。

同剧的还有梁茵(Kiko)及新加盟的阿七吴嘉仪，Kiko虽然今次饰演“绿茶婊”，但却不讨人厌：“呢个角色可爱得嚟又迷人，奸得嚟有原因，其实佢由细到大都被家人薰陶，大过一定要嫁个有钱人! 同我以前做个角色都有啲似，但今次就系加强版!”而阿七所饰演的就是林颖彤的秘书，她表示可以加入这个大家庭非常开心，期待有更多其他演出。