专访｜陈柏宇不想女儿有星二代优越感　“佢有自豪感惊佢会骄傲”

陈柏宇（Jason）将于2月15、16日于湾仔会展举行《陈柏宇LIFE IS LIVE演唱会2025》，入行近二十年，他坦言如今出骚依然会感到紧张：“大家觉得我唔紧张，系因为我演到，但声音上系会听到，不过可能我长期都紧张状态，大家听唔到分别。”选择以澳门为演唱会首站，陈柏宇解释纯粹是档期问题，但首唱新歌《关于后悔》亦是诚意十足，香港站歌单会有变动。

陈柏宇想藉今次个唱分享人生路上的变化，向来乐观的他，以“点都顺畅”形容自己的人生路。“就算你原地踏步或后退都好，其实都系向前，我又唔觉得步伐慢会对整个人生进度有好大影响，我嘅视野系远啲，睇一个我睇唔到嘅地方为目标。”过去曾被界定为“红歌不红人”，出道十年时获“隐世歌手”称号，陈柏宇向来看得淡然，认为在没有预知能力下，作为歌手的他，唯一可做是提升自己的唱歌能力。“因为我控制唔到人气、 观众接受我嘅程度，但我可控制唱歌上嘅进步。”

今年叱咤乐坛流行榜颁奖过后，陈柏宇首夺“我最喜爱的男歌手”致谢片段在Threads被网民翻loop，本人亦有留意，感觉如何？他说：“感动！好叻仔！抵赞”，当时曾在台上表示：“如果呢个系我最后一次得到‘我最喜爱男歌手’嘅奖座，我唔会觉得可惜，因为已经中咗！”如今想法可有改变？陈柏宇认为攞奖永远都是开心事。“唔会有唔想攞嘅心态，顶多纠结自己系咪应该攞，或者值唔值得攞，但毕竟攞奖对任何人都系开心，我唔去为得唔得奖而烦恼，系希望自己少啲机会去失望。”入行多年，早已看透颁奖礼的玩法，除了是识得调整心态外，陈柏宇亦承认事业斗心偏低。

与太太符晓薇（Leanne）育有一对女儿，分别是6岁Abigail及1岁多Audrey，早年曾打算安排一对女儿到加拿大升学，但如今计划取消。“啲人话加拿大麻麻哋，治安好差。”作为爸爸，他希望一对女儿“冲咗先”，因为“错咗点都会有人包底”，无奈细女Audrey只有打家姐才会比较大胆。“佢用咗好耐时间，先好自然咁由电梯外行入电梯里面，佢好夸张，只要地面材料唔同，都要谂一谂先行。”比起Audrey，大女Abigail已懂得爸爸的职业是什么，陈柏宇说：“佢有少少自豪，有时佢会同人讲：‘我爸爸系陈柏宇’，我叫佢唔使咁，我希望佢唔好嚣张。我唔会特别骄傲，因为我惊佢会骄傲，我唔想佢因为系歌手囡囡而有优越感，所以会教佢每个人职业唔同，但唔代表要比较。”

Makeup: Jessica Chan

Hair: Aki Choi @ The Attic

Stylist: @exactly.the.sam

Wardrobe: @sandroparis

Venue: B+Chill Studio @Bchill.hk