前Hotcha成员Winkie黎美言暴涨2个码亲回应：大家唔使再问我

近年积极转型，先后成立拳击舞蹈学校及娱乐公司的前HotCha成员黎美言（Winkie），积极经营社交平台，近日一条短片见到向来甚FIT的Winkie，竟暴涨两个码引起热议，对此她亦亲自回应：“大家唔使再问我！系呀，肥咗好多。”

近年Winkie转型从商，最近更涉猎护肤品代理行业，积极开分享招揽有意加盟人士。早前上载一条分享会照片，惊觉Winkie身型比以往横及阔，V面亦变得圆润，引来诸多猜测。及后她亲自留言回应，指因为家人离世致荷尔蒙严重失调。Winkie弟弟黎嘉骏于2020年10月从湾仔寓所高处堕下倒卧平台，终年28岁。黎美言非常疼锡细佬，事件令黎美言大受打击。

Winkie留言说︰“大家唔使再问我！系呀，肥咗好多，因为我荷尔蒙严重失调 呢几年属于Recover静修嘅日子。我想讲屋企人突然离开，大数据显示，大概需要五年。好彩我有信仰有上帝，比我最大嘅平安。我就系好努力读书同埋工作令到我有啲寄托，所以根本上我呢几年都冇去商会，唔想见人，净系想一个人静静地叉吓电。我而家fully charge battery ，我接受咗呢件事，所以成日话为家人而战，细佬在天之灵都希望见到我积极面对生活。依家努力面对荷尔蒙问题 ，一定能够尽快修复！作为一个公众人物 系呀，肥咗都要同人交代， 多谢大家关心！”