曹敏宝传不伦恋冇份出席“中一生”Re-U聚会　遭疏远4字形容自己

38岁的曹敏宝（Mable）为2003年港姐冠军曹敏莉的亲妹，2022年参加《中年好声音》杀入12强因而人气急升，后因与同届已婚参赛者梁浩铨传绯闻而遭TVB雪藏，更与“中一战友”断绝来往，早前“中一生”RE-U搞包场百人聚会，曹敏宝都没有份参与。

日前曹敏宝接受商台《星光背后》访问，提到被一众“中一战友”疏远她，令她跌入人生低谷，她坦言感恩获任职科学家的老公林润生百分百信任和支持，她说：“𠮶段日子，我会形容自己支离破碎，由好忙变到咩都无。但我老公响背后系最强大的支持，系形容唔到佢𠮶种无条件信任同爱。因为佢好清楚我系咩人，佢知道我热情同大情大性，真系所有人都会揽头揽颈。好在我每样嘢都会同佢讲，之前我每日同边个食饭出街，佢都知。”

新闻爆出后，曹敏宝更感恩老公的处事成熟，“佢俾我想像中更成熟，好多人都好担心会影响到佢，但佢完全唔care，所以佢咁强大信念，令我更加爱同欣赏呢个男人，所以我绝对无嫁错呢个男人！”因为有家庭后盾，纵然不获签约的电视台安排出歌，曹敏宝索性自资制作单曲更拍摄MV，继续她《未结束的故事》。

身为家中𡥧女的曹敏宝与位两家姐同读名校嘉诺撒圣玛利书院，她坦言二家姐曹敏莉中学时已是校花，“佢系校花，响女校可以做校花好劲！”被问姊妹间会否被比较，她说：“我细个男仔头无咁谂，但留返长发后，成日都系咁俾人话，最差就系‘点解个家姐咁出众咁靓，个妹会咁丑样？’觉得啲人把口好衰，返到屋企都会同家姐讲。”幸好经屋企人安慰后，使Mable不再介怀这些说话。

二家姐曹敏莉于2003年大热夺港姐冠军，原来自细热爱唱歌的Mable同年更早已参加过Cookies新成员选拔赛亦有机会入行，“我报名𠮶时仲早过家姐参加港姐，系因为我好钟意唱歌。”至于比赛夺得亚军却没入行，她承认因母亲阻挠错失机会，“其实果时我真系好想入行，好想签俾Neway，佢哋都有俾offer我，但我妈咪好紧张，要公司承诺点样令我成功，系倾咗好耐，公司当时唔可能承诺咁多嘢，最后我妈咪就叫我去读书。𠮶时同妈咪都有少少唔开心，虽然好嬲有啲唔忿气，但因为我太爱我妈咪所以无嘢解决唔到，大家都有互相体谅。”

学成回港工作后，曹敏宝07年再追梦参加有线电视歌唱比赛，除了当主播外，她亦有机会于2011年签约BMA唱片推出首张EP一圆歌唱梦，惟面对公司改变，她需转投环星唱片转录靓声碟变“翻唱发烧碟天后”。及至婚后育有一对仔女，再获好友朱智贤鼓励再战《中年好声音》追梦。音乐梦虽然兜转，但Mable的感情路却反而畅顺。节目中，Mable直认与老公因大家姐介绍相睇认识，交往一年便结婚，至今幸福美满。Mable分享老公最吸引她的地方：“我系一个极度无安全感嘅人，佢俾到好爱护同俾安全感我，佢系好踏实，所以系呢样嘢感动到我。”Mable亦指老公十分支持她参加《中年好声音》：“佢系最支持我，我去海选前，仲好惊无自信唔想出去，但佢就好鼓励我去试，仲话唔得仲有屋企佢喺度，令我更有勇气参加比赛。”