专访｜陈嘉慧无悔事业高峰期闪婚生女　向公司𢯎捞：希望多啲嘢做

无线（TVB）力捧小花陈嘉慧（Erica）前年10月闪婚嫁圈外富贵男友Calvin，上年3月诞下爱女，家庭幸福美满。临近农历新年，日前陈嘉慧就去到黄大仙求签，并接受《香港01》 专访大谈新一年的展望，被问到求签结果：“中平嘅，好似解签嘅姐姐讲又唔错㖞！”她续指今次来的目的是求事业运程：“希望之后事业可以步步高升。”并笑言解签姐姐向她表示：“今年唔可以懒惰，要再进取啲。”

事业高峰期结婚生子唔觉可惜

讲到对上一次拍摄TVB电视剧，她分享：“《本尊就位》已经两年，我唔抗拒拍剧，希望有剧集就可以揾我。”被问到是否感到惋惜在事业高峰力捧期间选择结婚生子，她坦言：“我又唔觉得可惜嘅，因为每个人生都有唔同嘅阶段，我觉得呢个阶段都得到好多嘢，所以唔觉得可惜。”提到现时专注照顾女儿的生活，她表示：“我觉得而家好幸福，两年嘅时间大家觉得好长，不过眨吓眼就过，因为每一日都照顾住佢，原来时间可以觉得咁快。”她笑指女儿现阶段已经识站起来。至于会否再想追多一个小孩，她直言：“我觉得女儿要大啲，之后再稳定啲先再考虑生B。”

忆述去年车祸事发经过

提到去年发生车祸一事，她忆述：“𠮶一日我肠胃炎佢车我去医院，返屋企嘅途中突然之间又发生车祸，所以又返去医院，当时嘅姑娘又问我陈小姐又系你嘅，我今朝喺急症睇完，不过而家又上返嚟，因为我返屋企嘅时候撞咗车所以再返嚟医院。”被问到当时车祸，她说：“大难之中嘅幸运，车头嘅损毁都好严重，但我哋受伤嘅程度都比较轻微，撞亲肺撞扁咗个肺。”

至于发生车祸的原因，她说：“因为我老公晕啰，跟住突然之间加速向前撞，跟住成架车就飞起咗跌咗去右边。”谈及当刻第一时间的反应，她表示：“原来拍剧系真㗎！跌咗落地下之后又冇晒烟，跟住我又唞唔到气，之后应该撞到个肺，我就叫我老公落车，之后我又自己开咗个车门碌咗落车，就嗌救命。”她指老公经历过车祸事件经过一段时间的平复后，已经够胆揸车，并坦言：“坐佢架车有阵时都会惊。”她坦言虽然现阶段没有发恶梦，但仍有阴影。

对蛇年的展望

讲到今年蛇年的展望，她表示：“我个家庭都好美满，最希望事业就可以再升华，可以多啲嘢做。”她坦言希望TVB可以再安排多点工作机会，并表示：“同公司嘅合约仲有一段时间，话长唔长话短唔短。”

化妆：@Ivymakeuphk