杨茜尧赞罗子溢“Part Part都得”变有味笑话　高海宁笑到面红

上周日在澳门举行的《万千星辉颁奖典礼2024》，当日不少成双成对艺人出席，罗子溢、杨茜尧两公婆一同角逐视帝视后，红地毡上一同受访时笑料百出，杨茜尧竟当众话老公“上面好得，下面我成日都提佢”。

罗子溢、杨茜尧、高海宁及马国明当日一同接受娱乐新闻台访问，主播王镇泉，笑指“呢段访问真系黐咗线”，当时子溢同茜尧有冇为对方拣战衣，一开始茜尧就话：“冇，我唔过问佢，佢亦都唔过问我。”再问茜尧会唔会限制老公V领开晒肌，茜尧好大方话“想𠝹开子溢个领口”，马明就话：“其实佢（子溢）唔使著里面𠮶件。”茜尧立刻护夫，笑言子溢而家唔可以咁喇。当茜尧听到泉叔问：“系咪上面下面都得？”茜尧就好自然回答：“上面好得，下面我成日都提佢。”

子溢闻言忍唔住笑言要老婆讲清楚，高Ling都笑到面红红，茜尧更同马明讲：“我唔系话条裤以下。”令马明随即变树熊惊讶样解释：“我冇话条裤以下，我冇讲过。我系话系件衫唔使著，唔系条裤唔使著。”最后茜尧被“上面、下面”呢个话题搞到笑唔停口，仲卖口乖话老公“Part Part都得”。