专访｜姜文杰自爆耳仔听力有问题唔敢讲：打咗四支止晕针喺个耳膜

姜文杰最近接受《香港01》 专访回顾工作生涯点滴，他分享去年获得政府资助执导首部作品《太白》 ，在是次计划当中邀请了太太李泳淇和爸爸秦沛、以及妹妹姜丽文演出。被问到筹备遇到的困难，他直言：“当然啦！资金系政府资助，我哋揸住20几万。好开心太白海鲜舫呢排都有新闻讲话会翻新，我哋拍𠮶阵未讲到话会翻新，𠮶阵放咗喺度只船都几破烂，好开心𠮶阵时借咗太白俾我哋拍，跟住又要买保险。”

姜文杰唔够胆指点父亲秦沛做戏

姜文杰续指最大的困难是与家人合作，并表示：“我想佢哋演嘅嘢又唔够胆同佢哋讲，所以对我嚟讲系失败㗎！”讲到是否不敢直接与爸爸秦沛说出心底想法，他表示：“佢始终系一位咁多年系超级有年资嘅演员，我会俾佢个气势吓亲，时间又好紧迫，拍咗好少日子。”

姜文杰被问姜丽文离巢TVB看法

被问到妹妹姜丽文是否曾经有询问过有关离巢TVB的看法，姜文杰表示：“其实我同妹妹当时做组合嘅时候都冇公司，靠自己两个人嘅努力去做，入得一间公司做嘢要面对嘅责任都唔同，我就慢慢靠自己喺呢一行𠮶度行。我妹妹啱啱入去我自己都好紧张，佢之后入到去又遇到《爱·回家》演“Liza”咁好嘅角色，又攞咗啲奖项，事业第二波嘅肯定，我觉得佢𠮶段时间做得非常之啱。去到要离巢呢一样嘢，佢始终咁大个人，佢有好多个原因或者坚持嘅嘢，呢方面我作为哥哥唔会比任何意见，我觉得佢应该自己识得谂，我好希望佢人生咁短，有几多个10年？每一个人都要向前先会更加精彩，所以我都祝福佢人生会更加精彩。”

讲到妹妹是否有向他透露日后发展的方向，他回应：“无论系边方面嘅发展我都会支持，就算佢同我讲话唔想再做要去生小朋友，我都会好支持佢。如果佢话去荷里活发展我都好支持佢，就算佢话畀我听佢要去掘泥或者读书，我都会支持佢，最想佢开心。”

当年孖姜丽文拎20万制作专辑

提到当年与妹妹姜丽文组成乐坛组合，他忆述：“𠮶阵我拎咗20万，净系用咗专辑都用咗10几万。行到去最后其实使钱多过赚钱，出一场校园骚都有几千蚊，好难先赚返10几万，好多人讲返我哋喺香港第一队冇人公司独立嘅组合去派碟，去上台攞奖都系好小事。好感动嘅系去到某个颁奖典礼嘅前哨战，啲歌手拣新人王都拣我哋，所以钱我哋唔会计较，攞返嚟嘅回忆或者当时发生嘅事，我谂返当时最美好嘅回忆都系𠮶段时间。”

承认曾逃避系秦沛宝贝仔

至于身为“星二代”作为秦沛的儿子是否很大压力，他直言：“其实我一路都避呢样嘢，入咗行五年其实好多人都唔知，直到当年我喺劲歌金曲攞最受欢迎组合奖𠮶一晚，我唔知佢哋（TVB）请咗爸爸坐喺观众席，点知个镜头一影就影咗爸爸坐咗喺下面观众席，都系RubberBand同我讲我先知，𠮶日之后全行就知道佢系我爸爸，有香港嘅工作其实好少会遇到我爸爸，我之前拒绝咗好多。”他续指回望当初的决定有点后悔，并表示：“我失去咗好多同爸爸嘅回忆，我做咗演员之后我就同爸爸好多时候喺内地合作，压力系有嘅，始终佢喺片场都系Paul哥。我哋好少会玩埋一齐，始终大家都有大家嘅工作。”

指乐小姐曾透露姜文杰系当年嘅爆骚王

讲到初入行的时候担任主持是否收入不太稳定，他澄清：“其实我入行做主持嘅时候收入都仲高过之后嘅好多年，做主持嘅时候其实好稳定，乐小姐讲过其实我系当年嘅爆骚王，我𠮶阵时有30几个骚一个月，收入都几稳定，反而做咗演员同埋创作公司，其实收入唔稳定。”他透露较早前耳朵出现不适的情况，并表示：“𠮶阵我演出《心灵师》，又做动画嘅嘢，同时间做好多嘅嘢就有好多嘅压力。”

姜文杰分享乐小姐曾经透露他的工作产量。（叶志明摄）

姜文杰自爆耳仔听力有问题唔敢讲

提到当时耳仔不适的期间，姜文杰忆述：“𠮶阵时我无端端有感冒，揸紧车嘅期间耳仔就感觉到唔舒服，一个钟头后就发觉我自己嘅听力越嚟越少，去到十二点几一点瞓觉嘅时候，跟住我就去咗厕所个马桶想呕，维持到五点钟顶唔顺要call白车，上咗白车之后去到医院就畀咗支止晕针我，其实我好惊打针，我打咗四支止晕针喺个耳膜𠮶度，又惊又痛，之后又做咗耳仔嘅针灸，我而家耳仔仲会发出少少好高频嘅声，但系我都会听到讲嘢，都令我了解到失聪人士嘅难处，出街架车响安我都唔知架车喺边，其实屋企跌咗嘢我都唔知喺边，之后我都上网开解咗好多人，社会好多好后生嘅人都有呢个问题，佢哋问我嘅时候我都尽量比好多意见去教佢哋。”姜文杰续指自己当时不敢对外宣布“听唔到嘢”，并表示：“咁样会影响工作。我同人讲话好返，其实系未好返。”他分享现阶段可以游水，以及照常日常活动。