陈慧娴红馆头场邀张敬轩跳唱《跳舞街》　有观众买咗飞入唔到场？

陈慧娴40周年演唱会《The Fabulous 40 Priscilla live in hong kong》昨晚（21日）假红馆展开第一场演出，慧娴将会唱六场，最后一场为大年初二与歌迷欢渡新岁。昨晚杨受成博士及夫人 ，李克勤及太太卢淑仪，
毛姐及老公、毛妈、沈震轩带同女友，Niki 周丽琪
、邓小巧
、黎峻Kenneth 、
Hedy海儿等均现身棒场，张敬轩担任首场嘉宾，将红馆变成跳舞街，气氛热闹又开心。

有观众买咗飞入唔到场？

有消息指昨天的演唱会有观众买咗飞入唔到场，演唱会总监冯贻柏表示，昨晚一共发现八张假票。经由红馆负责帮忙识别，事主亦已报警处理。
问到现在假票像真度咁高，观众怎样可以避免中招？冯贻柏表示，骗徒手法层出不穷，避免中招的唯一方法，就是经由合法途径购票，陈慧娴演唱会上星期刚加场，还有少量门票于城市电脑售票网公开发售。大家可以去城市电脑售票网购票，千万不要帮衬非法、或不名来历网站，否则无法得到任何保障。
而红馆点样分辨到假票？冯贻柏表示，“红馆负责入场嘅保安会用QR code scanner 扫描票上面嘅QR code , 发现无效（QR code scanner 会显示无效（二维码）, 用作推断呢啲系无效嘅假票。”

这次演唱会的主题是“花期”，所以昨晚opening，慧娴被一朵巨形大花包裹出场，一口气唱了“奇妙旅程”“柯德莉夏萍穿过的鞋”“不羁恋人”“逝去的诺言+人生何处不相逢”等经典歌曲，继而向观众打招呼，“嗨！冇见大家九年啦！ 时间过得好快，我记忆缓慢，觉得好似过左三年，啲人话中过Covid之后，记忆会差，我系咪愈来愈差？哈哈。今次演唱会系讲花期，花开花落人生无常，希望大家用心听歌，明白整个主题。”

慧娴又讲到回忆，话自己以前唔钟意影相，“所有嘢记系脑中就最好，但系发觉年纪愈来愈大，好多嘢我都唔记得咗。睇番旧相连自己当时做紧咩都未必谂到，依家反而鼓励人影相，可以记番好多回忆。人记忆入面一定有开心同唔开心嘅事，好似我咁，我9只猫已经死晒，呢个记忆真系好创伤，你哋又有冇试过曾经后生有一个伴侣，好钟意你，但系你又冇好好珍惜，最后分咗手？有呢？咁你依家身边𠮶个系边个？哈哈，每一个人，无论咩年纪，有一个心爱人系身边要记著好好灌溉呢个关系，每日都要话佢知我爱你，咁关系先会长久。”歌迷听到之后就不停对著她大叫“我爱你啊！”

到跳舞歌环节，慧娴请来张敬轩任嘉宾，《跳舞街》唱到一半，轩仔突然升上来，即时炸烈红馆，成个红馆变成真正的跳舞街，人人企起身跟住跳，气氛热烈。慧娴大赞轩仔是一个好尊重前辈好提携后辈嘅人，“佢开演唱会，我过左去睇，佢唱歌真系一流，好谦卑，好懂得照顾别人又温柔，做朋友真的很窝心。”

轩仔就笑道，“哗，我应该去院舍做！哈哈”慧娴即笑道，“系呀，我就快㗎啦，迟早入院舍。”轩仔又指二人是同公司，但论资排辈，一直唔知应该点称Priscilla，叫慧娴姐姐好？定....”陈慧娴即谓：“阿婶、Auntie……哈哈，梗系叫我Priscilla啦！你呀，你要多多提携我添呀！”吓得轩仔马上跪地，两人风趣幽默引得全场大笑。

轩仔昨晚选了《与泪抱拥》独唱，他表好开心，好荣幸可以系呢个属于Priscilla舞台上面表演比大家睇，演出再又再翻睇自己睇过无限次慧娴姐姐“几时再见演唱会”，能够以一个歌迷身份企系舞台上面唱佢嘅歌，生命安排真系好奇妙，“多谢每一位比我这个机会，我系一个不折不扣嘅陈慧娴歌迷，系我读书年代，佢每一首歌都系陪住我做功课，我谂来谂今晚拣咩歌唱比大家听，我拣左以下佢冇拣的一首歌，送比大家 《与泪抱拥》”现场即掌声雷动。

慧娴曾经表示，非常希望拥有红馆的手机灯海，因为以前手机未出咁利害，自己咁多年都未试过，昨晚她选唱《陪伴》时，就见到全场亮手机灯，令她又感动又开心，她又表示，“其实有很多人都同我讲过，如果你当时冇去读书，可能你的事业会更加好。但系呢个只不过系一个假设而已。可能唔系呢？其实，我已经好幸福。我觉得我依家拥有嘅嘢，我已经好满足。特别系我拥有你哋嘅陪伴。系呢四十年里面，拥有你们俾我嘅爱。无论你哋系佛迟加入，或者系一早已经加入，我都好感谢你哋。” 然后为观众献上一首自己深爱的英文歌《I Need To Be In Love》。

演唱会来到尾声，慧娴被全晚观众热情感动得闪著泪光，“作为一个歌手，我嘅天命，上天派我落嚟呢个地球系为乜？作为一个歌手，做好我嘅歌，可以用我嘅歌，去帮助大家，系感情上面有咩伤痛时侯，可以疗愈，可以疗伤，亦都可以鼓励到大家的人生。其实我作为一个歌手，我觉得我系咪都应该做得不错啦？大家都知道啦，实在我今年本身应该有“两蚊”，我相信佢认为我唔需要“两蚊”住，系咪延迟左改变左计划？哈哈。年纪愈来愈大啦，我真系唔知下次几时再系红馆开演唱会啦，甚至乎重会唔会开呢？但系到时如果你哋要我再开，我未必可以跳到跳舞街㖞，咁系咪你哋答应我，你哋跳？希望到时真系见到你哋，大家都又系起晒身，唔好绑著安全带㖞，哈哈....好啦，正正经经，我唔知道几时重会再见到大家。送俾大家，这一刻最后呢首歌《几时再见》。”