林盛斌老婆大扫除发现奇趣玩具怒斥要掉：差点搞到家变

林盛斌（阿Bob)今日（21/1）现身电视城出席《乙已年吉星高照年初一》节目录影。阿Bob接受《香港01》访问时透露近日忙于家居清洁“大扫除”，来一个断舍离：“好记得有一年要清理一啲唔要嘅嘢，本身我老婆已经唔钟意我储埋啲碟同埋一啲玩具，又或者一啲书咁，𠮶年佢话要抌，我哋就因为咁闹交，差啲搞到家变。（你老婆系咪发现咗一啲奇趣嘅玩具？）其实𠮶啲玩具唔系只系我玩㗎，我系同佢一齐玩，哈哈！因为有一段时间我系有好多魔术嘅玩具，都摆咗喺度成十几年都冇郁过，变咗我老婆就话掉咗佢，加上本身我老婆都识风水，佢话唔送旧迎新，你又点可以有新嘅嘢呢。咁我又听佢讲嘅，之后又真系几顺利，咁所以提提大家，如果屋企有啲过期而且又旧嘅嘢，试吓抌咗佢，可能为你带来好运。”