洪嘉豪回应与Ivy So拍拖　连阿爸都追问：佢都留意到

洪嘉豪传与Ivy So发展地下情一年多，更有网民指“二人恋情已经系乐坛公开秘密”，洪嘉豪今日（18日）出席贺岁片《祥赌必赢》时，亦有就作出回应，“我知道呢件事都受到好多讨论，多到连一个不问世事嘅我阿爸，无啦啦都send条link过嚟，但又唔讲嘢，我就知一个连时事都唔睇嘅老人家，佢都留意到，咁即系好多人讨论呢件事喇⋯⋯讨论起点系因为《困兽斗》𠮶条片，其实我真系乱嚟，而我亦一早知入面𠮶个系WinWin，为咗综艺效果我先讲（Ivy So），导致有咁嘅揣测，而呢一两年佢加入咗商台广播剧，本身我系成员之一，咁唔知系咪因为咁令大家有呢啲想法，希望大家唔好乱谂。”

问到会唔会有发展空间，Kaho即谓“哎，唔好搞我啦。我觉得呢件事都好似影响咗对方同好多人，哎，唔好搞啦，好攰。”他又指《黑玻璃》由陈咏谦填词，所以“接吻接到无法公开”旨是对方所想，又强调自己没有对象。而对于Ivy So连环“No”嘅限动，Kaho表示唔清楚是否在回应绯闻，所以不方便代答。

讲到《祥赌必赢》角色，洪嘉豪透露自己戏份不多，但最开心是能够与Sa（蔡卓妍）合作，并指“佢系我耳机内的人”，见到真人亦惊叹对方保养得宜。Kaho於戏中不时“放数”，但现实中，他指自己是石狮子，甚少借钱。“我唔系好钟意借钱畀人，因为会影响感情。细佬如果问都会借，但佢曾经借我架车后，有少少意外，作为哥哥，我觉得佢要自己𡥼返个责任，所以无帮佢赔偿，都两三万。”