钟镇涛认独裁　自己未到90岁坚拒女儿拍拖：边个男人嚟我就打

钟镇涛（阿B)今日（18/1）现身电视城出席《新春保良迎金蛇》节目录影。阿B透露早前完成剧集《巨塔之后》拍摄工作，大赞过足戏瘾：“我拍呢套剧全部都系外景拍摄，系冇喺电视城呢度开过工，除咗只系返咪配音之外，就冇返过嚟。今次我同宣萱第一次合作之外，亦系我第一次拍无线嘅剧集。而点解我会接呢套剧，系因为我未去过布拉格呢个地方，同埋到我睇过剧本之后，我觉得系好吸引。”

被问到会否赞成细女加入娱乐圈？阿B笑言：“佢得15岁，而家仲早，不过如果佢想都会由得佢，佢钟意点就点。（会唔会唔畀佢拍拖？）咁梗系唔畀啦，全部女都唔畀拍拖，唔准呀，我独裁。边个男人嚟，我就打。（咩年龄先适合俾佢哋拍拖？）我谂到我90岁左右啦 ，哈哈！到我90岁嘅时候，我谂佢哋嘅岁数就差唔多啦。”