情妇五索丨铺路要出位 自认“丢架少奶”不甘为老公及其家族而活
撰文： 程岚风
出版：更新：
现年34岁的“五索”钟睿心（Rachel）被爆与现年66岁的马清伟弟弟兼大生银行主席马清铿约会，并在餐厅内激情热吻，更揭发二人已发展婚外情9年。Rachel高调宣示主权，坦白承认早知男方有太太，自己不介意做小三。
不少人都觉得五索公开自己身份是有铺排，皆因在小三身份曝光前，五索跟林作和裕美不停拍片，令自己成为网红。去年12月中，她自拍的其中一段影片，已直认自己是“丢架少奶”，而且不甘于为一个老公、或一个家族而活，扬言要“活出自己”！
“五索”Rachel全片分享如下：
“好多人好奇，既然五索你咁有钱，点解要拍咁多咁无聊嘅片去娱乐大众呢？我真正嘅身份系天堂跌落嚟嘅天使！我落嚟凡间只有一个目的，就系....教育天下间所有嘅女人，无论你咩身份都好，你必须要做自己，唔好因为你系少奶啦，然后你就要低调做人，唔可以讲想讲嘅说话。
我呢种少奶系非常之丢架，亦都失礼嘅。因为正常人冇人会抛头露面去拍片啦！亦都冇人会做啲咁爆嘅事情啦。呢个亚洲嘅父权社会呢，女人系要做到大方得体，为咗嘅就系唔好去丢佢老公嘅架，系咪过得真正嘅开心呢，唔系啊，你唔需要令自己过得真正开心，你嘅人生呢就系为咗呢一个老公，或者呢个家族而活，而我系非常之反对。
所以我系好想用以身作则呢个例子呢，演绎一个失礼嘅少奶，去令到所有香港嘅女人，唔好因为婚姻，或者男人而活，我哋要活出自己，坚守自己嘅性格，我真正嘅性格系同林志玲冇分别，大方得体，连放个......。”
点击睇更多“五索”骑呢片段：
+13