张卫健揭《西游记》爆红唔续约TVB原因　自爆为呢件事可以唔收钱

59岁张卫健当年凭着热播的TVB电视剧《西游记》在世界各地拥有极高的知名度，早年他曾经接受志云饭局的访问揭《西游记》爆红唔续约TVB原因。张卫健表示：“你应该知道系TVB你唔系赚TVB嘅钱，系赚咗个知名度，赚资源，然后去赚钱就去出边赚钱，其实𠮶阵时讲到好好，就系曾经有人答应过我，到咩地步呢？就系到咗只要你续约，全个TVB除咗新闻部，随时任何一个项目你要做，你讲就得㗎啦！”

张卫健继续指自己应承咗，并表示：“未签约嘅，但系应承咗，我去到台湾然后遇到一位前辈，系台湾人嚟嘅又好熟悉香港嘅状况。佢话你发达啦，第一集西游记咁收得（收视）而家佢哋同你拍续集续约一定人工好高，我话都系得咁多加好少。”

接着张卫健分享当时的台湾朋友说：“你想唔想多啲呀？跟住佢就即刻攞返个电话打俾TVB，我唔知道佢打俾边个同埋边个部门。佢就打去TVB话张卫健已经唔会帮你哋拍第二集西游记，佢都唔会同你哋续约。佢应该会帮台湾嘅电视台拍西游记，你哋一定系好刻薄人工比好低，反正我就知道佢唔会返嚟拍，你哋自己执生啦！”

张卫健透露当时赵先生Eric联络他并表示：“做咩啊？点解突然之间咁？我同赵生讲你唔好问我啦。之后我接咗第二个电话话之前嘅价钱加两倍俾我，跟住我冇反应。二十四小时唔够再Double价钱，咁我就变咗有少少唔舒服。因为当初同我讲冇㗎啦，剩系得咁多。唔可以喺TVB度赚钱，点解咁快又加到咁多？系咪即系之前呃我呢？”

张卫健忆述最后TVB开超高价，并表示：“我就同台湾嘅前辈讲差唔多要应承人。𠮶个人就同我讲等齐头数先啦！终于等唔到齐头数嘅时候，有一日睇报纸就见到西游记换角，张卫健被飞走。”他当时选择立刻联络TVB，并表示：“去倾返价钱已经唔得，齐头𠮶个数真系唔得，咁再倾返之前last two𠮶个价钱，跟住覆返落个价钱都唔得，再跟住last three选择嘅价钱，都系唔得，再覆返俾我都系唔得。我话我而家唔收钱，我净系要演，我净系要返呢个角色因为呢个角色系我创造出嚟，我唔想任何一个人去演呢个角色去代替我，我唔收钱。跟住TVB就同我讲对唔住换咗就系换咗，公司唔可以讲嘅嘢好似开玩笑，同传媒宣布咗换角就系换角。”