万千星辉2024｜傅嘉莉40岁开斋夺女配角 出道形象拜金近年变踏实
《万千星辉颁奖典礼2024》今晚（1月19日）在澳门举行，傅嘉莉（Kelly）击败陈晓华、吴若希、杨卓娜、黄翠如等四位对手，夺得“最佳女配角”。负面新闻多多的傅嘉莉，近年努力工作洗底，又成为宝石𨯿证师，希望扭转在观众心目中的负面形象，而且演技上也有大跃进，在多套剧中放下靓女包袱豁出去演出，成功洗甩“邪花”形象，令人刮目相看。
她从温兆伦、邵美琪手中接过奖座，在台下落泪讲感受，表示：“我真系冇谂过，我真系攞到最佳女配角，首先我真系好多谢好多谢当年珍姐叫咗我返嚟，我做咗10年嘅Model，唔知自己可唔可以做Model嘅时候，我做咗Model。我亦都唔知自己可唔可以做演员嘅时候，系珍姐邀请我嚟TVB，但系我都好想同佢讲sorry，我知我入咗嚟之后，好多嘢唔识，亦都可能讲错咗好多嘢，但系我好多谢珍姐你同我讲咗一句说话：‘你唔识讲嘢就唔好讲嘢，冇新闻好过有新闻。’叫我踏踏实实去做好自己，做好演员。我呢几年真系好努力，低调咁做好自己，我真系好想用行动证明畀你睇，我希望我冇令你失望。我亦都好多谢乐小姐，我觉得公司有两位非常之好嘅woman’s idol，俾我有一个好嘅榜样，我点样可以做好一个女性嘅角色，乐小姐系好聪明嘅一个女士，佢俾咗好多好多好意见我，亦都系几年之前俾咗好多唔同嘅角色我，令我可以尝试唔同嘅角色。”
他又连续三次多谢钟澍佳，表示：“佳导，钟澍佳。我想讲我多谢钟澍佳！多谢钟澍佳，多谢钟澍佳总监制！我对自己都冇信心嘅时候你同我讲，你对我好有信心，喺疫情嘅时候我拍咗《香港人在北京》，你同我讲其他嘢唔使做，你做好演员就够，可能好微不足道嘅一句说话，但系我真系好摆喺心里面，佳导我真系攞咗最佳女配角！亦都好多谢你一直以来俾咗《反黑英雄》我，俾咗《法证先锋》我，亦都俾咗我今年上年我拍得最开心嘅《刑侦12》我。《反黑英雄》我好多谢Ben Fong导演，亦都俾咗好多意见我，更加做得好，我好钟意做戏，我会更加更加努力做好每一个角色，去配得起呢个最佳女配角，多谢！我亦都想讲多谢妈咪，多谢我嘅fans投票畀我，我亦都答应咗我best friend十几年，我同佢讲如果我真系得奖嘅话，我要多谢Kiki，多谢我10几年帮我嘅Assistant楚楚，多谢晒， thank you！”
现年40岁的傅嘉莉，入行至今逾廿年，18岁开始做模特儿，拍摄多个广告，因演出《当四叶草碰上剑尖时》而让观众认识，其后又参演《冲上云霄II》和《爱我请留言》，至2015年，傅嘉莉正式签约无线成为旗下经理人合约艺员做“亲生女”，但由于初出道时经常与已婚的富豪级大叔扯上关系，且生活富泰，故给观众形象拜金又负面。
不过近年傅嘉莉远离是非，努力洗底，全副心机投放工作上，在多套剧中有出色演出。去年凭《香港人在北京》中饰演情深“芬妮”，神还原“火鸡姐”获网民激赞；在《廉政狙击》的一场大胆解纽戏，忍辱负重的表情做到恰到好处；助她杀入“最佳女配角”及“飞跃进步女艺员”最后五强，可惜最终铩羽而归。但傅嘉莉当时鼓励自己“沉淀，修正，再重新出发”，而她今年在《神耆小子》、《反黑英雄》及《法证先锋VI幸存者的救赎》同样演出抢眼，尤其《反》剧中饰演的卷发虎妈；以及《法证VI》剧中的多场内心喊戏，成功引起观众注意。
傅嘉莉早前接受《香港 01》访问时表示之前有段时间珍姐和乐小姐都叫过她去开会，两位都给了很多意见她，特别是珍姐，“是珍姐找我返TVB，她给我很多信心。有一段时间我有很多不同的新闻，珍姐说看了我很多访问，她说你都不会讲话的，不如就不要讲，踏踏实实去做好自己，用作品说话，这5个字我记到现在。这近年很多人都说 Kelly很低调，好像隐形了，其实我是想做给珍姐看，你跟我说的话我有放在心里。”如今夺得“飞跃进步女演员”，绝对是对傅嘉莉近年努力的一个肯定！