李司棋遇诈骗老屈$2000“手术费” 重现《溏心》大契金句击退骗徒

长者经常成为骗徒目标，一个不小心就随时被骗走辛苦成世储落的养老金。李司棋虽然已经74岁，但就非常精灵，近年在IG十分活跃的她，昨日（15日）就分享智退骗徒的经过！

有骗徒WhatsApp司棋姐，讹称不小心过数过错$2,000给她，附上一张疑是过数截图，表示：“真系过了，可吾（唔）可以过反（返）比（俾）我先，屋企人要比手术费。佢糖尿上眼，吾即刻做手术，即刻会盲！”司棋姐识破骗徒，连番表示冇收到过$2,000，更谓：“即系有呢$2000就唔使盲？名副其实见钱开眼㖞！糖尿好长手尾，真系会上眼，叫你位亲戚戒口啦”

骗徒不停催她过数，指要做手术的是自己母亲，司棋姐立即以代表作《溏心风暴》的道理天后“荷妈”上身，问他：“系㖞，你母亲知唔知你做啲咁嘅嘢？”接著说：“我意思系过错数。不过做个手术先$2000都几抵，佢都可以唔戒口，有咩事咪做多次手术啰。”最后，司棋姐甚至录音，用荷妈的经典对白，兼且戏精上身向对方说：“我睇人睇咗几十年喇，边个系人，边个系鬼，我睇得出！想呃我？我呃大㗎！”一向就将骗徒KO！