金句天王旧片出土展惊人弹跳力　震撼网民眼球：对脚系咪装咗弹弓

看过黎明近年演唱会的朋友都知道，黎明甚少跳舞，最多都是跟随音乐节奏摇摆身体和“bom唧两下”，之前更曾示范坐住唱快歌，简直技惊四座。有网民曾套用黎天王金句：“有无机会睇黎明跳舞同撞鬼一样，都系要讲缘分嘅。”

对于斋唱唔跳，黎明当时就解释：“唱歌算啦！有人话Leon坐响度唱快歌，你都可以㗎！啱时间啱感觉就得，我做返我擅长嘅嘢。”不过原来在成为“金句王”之前，黎明曾经是一个“弹跳王”，擅长跳跃。近日，就有粉丝将黎明当年多个经典跳跃片段剪辑成影片分享到Threads，随即引起网民激烈讨论。

该粉丝写道：“黎明对脚系咪装咗弹弓 弹跳力真系一级棒”。片中，年轻时期的黎明展示出惊人弹跳力，跳沙发、跳车、跳闸、跳櫈、跳台、跳橡筋、跳栏，甚至原地跳起一字马都难他不到，总之就是没有黎明跳不过的；而最经典的莫过于黎明在99年演唱会上，歌迷为他庆祝33岁生日，黎明即兴表示要为大家表演一项特别的杂技，还说：“无乜人做到嘅，但我相信我可以做到。”话毕即在台上表演跳蛋糕，而且还要是双脚向前跳，敏捷之余，亦令不少粉丝至今仍印象深刻，简直是被演艺事业阻碍的跳栏高手。

不少网民看完影片都惊叹：“原来咁劲，一路都唔知”、“佢做特技人㗎！”、“Matrix唔揾佢拍真系浪费”、“唔通佢玩开parkour又周围同人讲咩”、“拎住个头盔都跳咁高，真系大癫”；有网民则讲笑：“后生跳得太多，所以而家唱歌都要坐系到唱（讲笑要讲明）”；另外也有网民赞楼主用心：“又真系好劲！你啲咁有心机剪嘅片如果俾返Leon 睇，我估佢都好开心”；果然识睇一定睇留言。