Anson Lo否认经理人偏心　Edan笑谈《12怪盗》MIRROR齐争影帝一事

男团MIRROR的三位成员Anson Lo（卢瀚霆）、Edan（吕爵安）和姜涛今早（15日）现身尖沙咀出席眼镜代言活动，神徒、姜糖、爵屎（粉丝暱称）逼爆商场。

早前Jeremy（李骏杰）剧透有成员将在今年出碟兼开个唱，访问时，Edan口快快表示自己嘅solo con将在下半年举行，收到可剧透指示嘅Anson Lo补充既会有solo con亦会有出碟计划，而个人新歌亦已进行中。另外，提到早前直播中被爆两年仲未考到车牌，姜涛表示只系学过两堂，但已考虑复课，“但大家唔好影，等我pass咗你哋再po。”

Edan生日在即，日前与家人食饭庆祝，提到妹妹小如猪因“现身”TG群组而引起猜度，问到是否打算揾妹妹做admin，Edan否认：“其实佢不嬲都喺入面，但应该未有呢个时间（做admin），等佢毕咗业再算。（咁FC进展如何？）一直都尽所能揾方法，都已经有定案，好快会有消息。”

而对于有镜粉在网上投诉经理人偏心一事，Edan亦有听闻，更笑言：“我都想”，而他亦表示一直有不同嘅声音，但希望大家理性讨论。Anson Lo则补充：“我哋经理人有好多唔同部门，太多事情发展紧，每年都有唔同计划，所以大家唔好咁担心我哋嘅工作发展，所有嘢都随缘而安，继续努力做好自己。”

而对于电影《12怪盗》全员报名角逐金像奖最佳男主角一事，Edan解释：“咁啱有部电影喺呢届发生，所以会报名，而12个人都系主角，所以咁报当然唔会发生𠝹票，因为好多人比我哋优秀，绝对唔担心会𠝹到票。”