专访｜陈浚霆爆继母顾纪筠每年送金贺牛一：金额都超出我所料

TVB“超级富二代”陈浚霆在处境剧《爱．回家之开心速递》中饰演“龙璟风（阿风、风少）”一角成功入屋，深受观众欢迎爱戴，他今年更入围万千星辉颁奖典礼获得“飞跃进步男艺员”提名。事业一帆风顺的陈浚霆近年与古佩玲传出绯闻，不过女方开口回应只属朋友关系，陈浚霆接受《香港01》 专访表示：“感情方面就冇啦！呢排拍好多《爱．回家之开心速递》嘅嘢，我只眼都啱啱发炎，要快啲休息，唔好讲感情，同屋企人过年都仲未见，所以希望好快有啲时间可以见佢哋。”

自爆有亲戚试过介绍女仔

讲到屋企人是否催促快点找到女朋友，他表示：“我啲亲戚好开明，佢哋一见到我就通常问我剧集方面嘅嘢，或者问我工作点，大家可能喺电视机见得比较多，见真人嘅机会就比较少。”讲到是否有亲戚介绍伴侣，他说：“有试过嘅，随缘啦呢啲嘢最紧要大家倾得埋，唔一定要门当户对。”谈及众所周知现时居住于半山家庭比较富有，被问到会否对于认识另外一半有戒心，他表示：“咁又冇乜嘅，我系比较宅啲嘅人，我认识𠮶啲通常都系好多年嘅朋友或者同学，所以都冇话特别有戒心。”

约女仔食饭唔会AA制

谈及过去与女性聚会吃饭的时候是否会AA制，他笑言：“我未试过AA制，如果有能力嘅我会请，我觉得无论发唔发展都好当识个朋友，同埋食餐饭唔需要特别有压力，可以大家倾吓偈，我系好钟意食嘢嘅人，难得有个人同我食饭，当识个朋友去倾吓都唔算系坏事。”至于对于另外一半的条件，他表示：“要明白我做嘢嘅时间唔系太稳定，未必可以成日见到面。”

继母顾纪筠每年送金贺牛一

谈及今年的新年如何庆祝，他指未知道爱回家剧组是否需要开工。他希望与家人共渡新年的节日。被问到过往新年最大金额的利是，他笑言：“喺屋企人嘅，我觉得系个心意，我最开心唔系金额，系见到一啲好耐冇见嘅亲戚同埋朋友。”至于最大金额的利是是否继母顾纪筠所送赠，他尴尬回应：“妈咪俾个利是当然好可观，因为我生日同新年都好近，好多时候嘅金额都超出我所料。（金额超过六位数字？）咁多年加埋一定有，一年就唔会。我妈咪好识得投资，我生日佢会送金俾我，佢试过送一条金或者十二生肖，送过好多唔同嘅金俾我。”谈及顾纪筠所送赠的金额高于六位数字，他直言：“应该系嘅，呢一样嘢系咁多年去教我去投资，成日买礼物都唔好买啲好无谓嘅嘢，尽可能令我学到点样去投资。”

投资物业成功赚钱

讲到投资心得，他说：“我摆喺股票方面比较多，我之前有同屋企人喺番禺买屋，卖咗添仲有赚到，我有自己出一啲，屋企人都有出一啲，其实我唔够胆喺第二度买屋，佢哋睇完盘之后觉得几好就叫我去试吓，成件事好圆满，上年就已经成功卖咗。”被问到是否成功卖出近千万，他表示：“都有𠮶个银码嘅，所以都好开心成功卖咗。”他预告即将会推出单曲《大个之后》，并表示：“呢首歌系关于对屋企人嘅爱，系我自己提出一啲idea去一齐讨论参与拣歌、填词和MV的部份，公司都俾咗好大嘅support我。”