林淑敏被闹耍大牌开腔回应 许家杰搭港铁没拉背囊拉链：可能系真
撰文： 张祖铭
出版：更新：
《爱回家之开心速递》两大人气演员林淑敏与许家杰昨日（9日）出席“TVB 职艺员联欢晚宴 2025”，他们接受访问澄清网上流传有关《爱·回家之开心速递》的薪金列表并不是真实情况，被问到何晋乐薪金是否真的零收入，他们异口同声表示：“我谂呢个薪金表出嚟嘅时候何晋乐都未出世，我谂佢都未入行，所以唔准。”林淑敏透露初入行的时候人工只得$1500元。
林淑敏被闹耍大牌开腔回应
提及最近连登网站有网民指林淑敏与许家杰耍大牌，林淑敏说：“我有留意啊！其实我印象唔深，我亦都好少去黄埔，我觉得唯一可能会唔会系我哋开外景嘅时候。”她继续指自己回想网民所谓的耍大牌情节，并表示：“如果系外景我哋去过𠮶一区，唔知去咗咩会所有泳池，成日都喺𠮶度拍嘢，可能喺𠮶个位行出行入，会唔会有人叫我哋，但系我哋又听唔到。”
许家杰搭港铁没拉背囊拉链
许家杰则回应：“其实我自己都比较怕羞嘅，多人嘅时候会紧张，可能真系会对人哋唔礼貌，相信认识我嘅人都知道我好着重呢样嘢（礼貌），呢样嘢系关乎我屋企嘅家教，如果喺街𠮶度见到我同我打招呼，我自己觉得自己系好温柔嘅人，好多谢大家咁钟意我哋，下次见到大家都会讲早晨你好。”至于网民提及在港铁没有拉背囊拉链，他坦言：“可能系真嘅！我唔系好钟意拉背囊拉链，有阵时我就好钟意戴口罩，喺公共交通工具惊感染，我可能讲咗唔该，但系佢听唔到，但系我以后都会大声啲讲唔该。”