TVB主席许涛宣布全部门有人工加：公司年年亏损嘅情况全面转正
撰文： 张祖铭
出版：更新：
TVB行政主席许涛、总经理曾志伟和高层乐易玲，以及高级行政人员、各部门主管、幕前逾二百五十位艺员、幕后近千二位同事等今日（9日）出席“TVB职艺员联欢晚宴 2025”。TVB行政主席许涛在活动开始率先在台上表示：“多谢大家喺2024年为公司有辛勤嘅付出，2024年肯定系唔容易嘅一年，无论系外围嘅经济环境，抑或系媒体娱乐行业，都有好多好多嘅挑战，但系我喺度可以好负责任咁同大家讲每一年我哋都好成功面对呢啲挑战，TVB嘅业务无论喺财务上，或喺节目上都有好大嘅认同。”
TVB主席许涛宣布每个部门有人工加
许涛继续指虽然经济环境不好，面对许多行业的挑战，并表示：“公司可以喺年年亏损嘅情况全面转正，为咗俾你哋（员工）更多动力，喺呢个月就会透过人事部执行加薪嘅动作，每一个部门都有得加，至于加薪多少就系论功行赏，所以觉得自己好有贡献，或者觉得自己非常有潜质，必须好有力咁样展示喺部门主管，数字（薪酬）就会比你想像中更加高，最后再一次多谢大家有更好嘅2025年。”
曾志伟在影大合照时表示︰“TVB挨过最艰难嘅3年，我返嚟嘅时候，系TVB最低潮，但经过呢几年，因为大家、所有TVB嘅成员一条心做好TVB，好多谢你哋！依家我哋行出去讲你系TVB嘅人，人哋都会话多谢你哋做咗好多好节目、好剧集，多谢！呢个系我哋proud of做TVB嘅人！多谢你哋！我哋要继续加油！”