万千星辉2024｜钟志光终夺“万千光辉演艺大奖”　奥运日瞓2小时

无线（TVB）年度盛事《万千星辉颁奖典礼2024》今晚（19日）隆重举行，当中钟志光获颁“万千光辉演艺大奖”！钟志光加入TVB已经36年，身兼体育评述员、主持及演员身份，故被封“万能钟”。钟志光上台领奖发表得奖感言时讲到：“多谢曾总，多谢各位同事，呢个奖唔系一个神台奖呀嘛？好老实，曾总讲得啱，一啲风声都冇，我事前唔知道嘅，甚至乎本来有其他嘢做，佢哋就话畀我听体育组会有个专业奖㖞，都要你支持吓，讲到体育组我一定支持，所以推晒所有嘢唔做，今日喺度，估都估唔到原来会攞到呢个奖。”

钟志光续说：“咁多年嘅服务，你话工余时间读书就系时间点用，呢个唔重要，其实最重要我哋代表TVB去工作，喺奥运期间好多人问‘你个工作时间好长㖞，但系见你好精神㖞，冇见你瞌眼瞓嘅？’我只系话畀佢听，因为我一坐埋主持台，我就系代表TVB为香港市民服务嘅！所以我系唔可以有任何时刻系唔留意，至于你话其他资料，因为我一直以来都好热爱体育，亦都做过体育老师，所以都系手板眼见功夫𠮶啲对我嚟讲。但系我入到嚟TVB系好幸运嘅，当年我系教师嚟嘅啫，今日在座当中嘅李汉源先生，就系当年同我面试，就系当时嘅体育组监制莫若翔先生叫我入嚟试一试，就系咁改变我一生！如果冇呢两位，呢个奖今日唔会系我嘅！多谢大家！”

钟志光拥有双硕士学位，博学多才的他早前获教院颁发荣誉院士。他在巴黎奥运继续为TVB担大旗主持节目，已经是“九朝元老”的他对于奥运直播经验老到，由于时差关系，凌晨时份有多场重磅级的比赛，钟志光都紧守岗位，有网民就指江旻憓夺金一夜，钟志光开工逾17小时，当晚颁奖礼后，近天光才收工，翌日中午12时15分，再次见到钟志光坐在《2024巴黎奥运全城聚焦》节目现场主持，再度直踩到5am。钟志光曾坦言，奥运期间每日只能睡两小时，对于网民的关心他表示感谢。

钟志光曾任中学教师7个月，教授中文及体育科，后来于80年代得到商台体育监制招手而入行。于1989年，钟志光加入TVB做体育节目评述员，并开始参演剧集，演出剧集超过200部。入行多年的他，去年终获TVB颁发杰出员工奖。