陈慧娴个唱邀李克勤做嘉宾齐跳舞　大呻新年骚：唔系收好多利是

陈慧娴本月即将会在红馆举行40周年《The Fabulous 40 Priscilla LIVE IN HONG KONG 陈慧娴演唱会》，她今日（8日）现身排舞室彩排探班活动接受访问表示：“我应付到嘅，当然太高难度唔适合我嘅年纪，我惊会断腰骨，我唔会侧手䎗。”她坦言怕身体过重令Dancer擡起她的时候会感觉吃力。

讲到演唱会加场一事，她表示：“最紧要嚟睇我终极加场。年初二呢一日其实系放烟花，等啲观众睇完烟花就可以顺便入嚟红馆，所以夜晚九点开始。”谈及是否预计在演唱会期间会收到歌迷赠送利是，她说：“我就要睇吓观众系咪会比利是我嘅人，其实我之前试过喺新年嘅时候开演唱会，但系我唔系收好多利是，唔知系咪我啲观众比较后生。”她笑言：“希望大家比利是我都会开心啲。”

被问到演唱会嘉宾环节，她说：“李克勤同埋张敬轩都系嘅，李克勤喺内地开完演唱会都赶返嚟，张敬轩都好忙。张敬轩都话好想嚟，我都话好想佢嚟，我畀佢哋拣歌。其实我同李克勤唱𠮶首歌系要跳舞，每个嘉宾嚟都要同我跳舞㗎！”至于是否与李克勤大跳贴身舞，她表示：“应该都掂唔到佢。佢一定会企喺我隔篱。”