梁芷珮爆洗面番枧遭老公“毒手”　表情耐人寻味：唔系用嚟洗脚呀

现年42岁的梁芷珮（Christy）与老公Kenneth结婚多年，育有两子一女，一家五口幸福美满。梁芷珮同老公更夫妻档拍住上成为旅游KOL，经常孖住周游列国为大家介绍好去处，近年更凭主持TVB旅游节目《潮什么》系列而大受欢迎，实行寓工作于娱乐！两人在工作上非常合拍，私底下亦非常恩爱，但日前梁芷珮就分享了一件“趣事”，似乎被老公激亲！

梁芷珮在IG晒出一张老公的照片，相中所见Kenneth一脸惊恐，表情耐人寻味，原来绝不简单：“阿妹啱啱问我可以用乜嘢嚟洗面，我话浴缸入面个洗面番枧，我晚晚用，好好用，好干净，跟住黎生就立即咁样望住我，我问佢个样做乜咁尴尬，佢话冇嘢🤓我即刻念，佢唔系用嚟洗脚呀…佢话，梗系唔系啦…我话，但你个样好尴尬㖞…佢话，我用嚟洗手。我话，净系洗手？佢话，系，洗手。我话，冲紧凉你攞旧番枧净系洗手？仲话，系呀…我净系洗手…结论系，我有个唔识讲大话嘅好老公，同埋我立即用返洗面粉洗返十次我块面，同埋🤬”

虽然未知Kenneth用洗面番枧洗什么，但不少网民都笑言“凶多吉少”：“我觉得唔会洗手咁简单啰…其实都冲紧凉点会无啦啦用旧番枧洗手呀…有可疑…”、“你有冇闻吓佢只脚，系咪同一种香味”、“用番枧洗脚真系好干净的”。