邓兆尊爆TVB处境剧人工　争产案后骚钱暴升追贴扮嘢王：升咗500%

近日网上流传一张《爱．回家之开心速递》演员每集人工价目表，其中欧阳震华客串一集$22,750，常驻演员中以刘丹最高，每集$6,000，女角则是$4,750的樊亦敏最高。虽然昨日TVB已发声明称“特此澄清，相关讨论并不反映实际情况”，但还是引起了热议，就连邓兆尊、吴家乐等都有评论，邓兆尊更大爆当年拍《皆大欢喜》的薪金，同剧男演员曾争取加“一包烟”人工，但都失败。

吴家乐、邓兆尊与谢逊在网台节目讨论处境剧薪酬，邓兆尊说如果有机会都想再拍，“好捞，又好赚，又舒服，返工时间又好。”对于这张网传价目表，他与吴家乐都觉得可信性很低，尤其当中指“阿Joe”何晋乐得$0，二人一听就觉得冇可能，合约艺人一定不会$0。但他们都同意刘丹一定很高薪，笑言：“用少一个丹爷，可以用多十个其他人。”家乐解释处境剧计粮方法，年资愈长，人工愈高，他说：“人工有时系累积出嚟，所以你话丹爷，如果咁多年，Sit-com嚟讲，由叉烧炳（《真情》角色）𠮶时到而家，每年加少少加少少， show钱点会少？呢度$6000咪畀少咗佢啰！”网传“金城安”周嘉洛每集$5750，仅次丹爷，兆尊直言冇可能：“安仔一定冇咁高，我肯定！一早签约定咗个价，唔会话你而家红咗就会突然间加咗。”

邓兆尊当年拍足两辑《皆大欢喜》，谢逊问到演员间会否知对方薪酬，他大爆：“女人𠮶啲我哋唔知，有时成班男人倾开偈，林文龙呀，谢天华呀，祥仔（阮兆祥）都知，大约个Range几多都知嘅。大家都系𠮶个年份去倾（价钱）嘅，就倾偈话：‘点呀？今日谂住加到几多呀？’谢天华就好笑，𠮶时一包烟$50，佢话：‘我真系唔信呀，我上去我要求加$50，一包烟都加唔到我唔捞！’咁佢上去倾完返嚟，我话‘点呀？仲有冇得捞？’佢话冇得加，咪又继续捞啰。”他透露有一年所有人都冇人工加，公司叫“共度时艰”，又说：“𠮶排好红，冇理由$50加唔到吖，我哋要求每个月加$50都加唔到，𠮶时共渡时艰系几咁咩，不过始终公司畀咗机会大家。”

期间他们讨论做临时演员的人工，指网传临时演员$380一集，兆尊笑说：“我做𠮶阵时我记得$140至$180度，包一个饭盒嘅啫，做死尸瞓觉。”但他与吴家乐都同意，主要睇临时演员公司如何拆账，有公司“食水深”，临时演员有机会只得$100。

当时拍《皆大欢喜》，虽然邓兆尊戏份不是最主要，但出镜集数都有8成，拍千几集听起来都相当“和味”，主持问他是否凭此已赚到第一桶金，他回答：“我Show钱唔系好多，一个Show三千零蚊，因为我有个争产事件，暴升500%之后先有呢个价钱。真㗎，唔系冇呢个价钱，升咗先拍得住阮兆祥。（吴家乐：阮兆祥出名Show钱贵！）当时我爆咗Show，出四万零五万蚊一个月，但啲钱唔知去咗边。”

讲开Show钱，计法其实好多，他说：“任何剧集，半个钟入面，凸个头出一出嚟，就会有show。（主持：如果有幅画有你个样？）唔同计法，真人先计。”家乐补充指每拍一套剧之前，公司会预先同你倾好Show钱，后期计法愈来愈多，有机会是1/2或1/3。家乐续道：“我都试过有套戏，有个监制话揾我，影一日相，佢话‘喺套戏入面你死咗㗎喇，我想你影一张相，就系两个主角去到见到你张Poster，你曾经系个车手，佢哋见到你，怀缅过去。你帮我影一日相，喺里面出两集，畀返两个Show你，我话‘咦？又OK㖞！硬照咋㖞。’我OK，但都要睇吓系乜嘢相，有啲最兴坟前𠮶啲相咁就梗系冇Show。”

主持亦再引伸到另一个话题，就是“死人利是”，家乐表示任何戏份，只要是拍殡仪馆、瞓棺材、瞓停尸间等“唔吉利嘅嘢”，都会收返封利是。被问到银码，邓兆尊说：“两蚊，意思意思㗎啫，我𠮶个年代系。”家乐再说：“而家都系！攞个意头㗎啫，都系两蚊！”