李龙基重新出发再开骚　未婚妻坐监每日写信预告今年结婚：唔会拖

74岁李龙基上年因“不可抗力”原因取消原定于麦花臣场馆举办的演唱会，他即将会在今年2月25日于香港文化中心举办“李龙基笑看人生演唱会 2025”，他今日（7日）现身宣传活动接受访问表示：“主办单位希望我重新再出发，事实上有一轮就比较低沉啲，自己好多方面都唔开心唔想去做，唔想见人。但系而家唔系啦！我而家精神焕发，系新一个李龙基。”他指上次演唱会取消的原因自己其实并不太清楚。

被问到演唱会的筹备情况，他表示：“乐队和和音都编排好晒，今次演唱会应该有唔同嘅惊喜。”讲到较早前分享的练歌片段可见李龙基的家中有大量的收藏品，他表示：“同啲女士冇得比，但系够地方畀我行出行入就得㗎啦！”他透露未婚妻王青霞（Chris）会不满他打理得十分凌乱，并表示：“等佢出狱，我就会即刻同佢喺内地注册，注册咗之后就可以三个月咁申请落嚟，冇问题。”提到未婚妻是否得知开骚的消息，他一度哽咽回应：“佢好开心。（有冇收到未婚妻的来信？）每日都写一封，每一次开骚佢都喺我身边，但系呢次得我一个，但冇问题。”至于未婚妻有否送上鼓励说话，她直言：“佢好钟意听我唱歌，每次都会喺台下面全程享受睇住，所以呢次佢都同我讲上次做唔到都唔紧要，呢次要努力唔好辜负观众。”被问到何时与未婚妻结婚，他说：“应该会今年内，唔会拖，唔知道年尾会唔会仲有演唱会。”至于内地结婚是否需要办理证件，他表示：“要办理寡佬证，去办理即刻就攞到㗎啦！因为我真系寡佬。”