张卫健“登六”在即唔认老 漏口风爆BIG 4今年将开红馆骚？
撰文： 邝钰莹
出版：更新：
久未喺香港露面嘅Dicky张卫健今日（4日）现身大型新春节目彩排，讲到今年大计，张卫健笑言见步行步，但都漏口风指今年中后期有机会喺香港开骚：“个阵容系⋯应该系要去红馆先做到！”问到系阵容系1定4个人，他笑而不语。
下月“登六”嘅张卫健，听到“嘟一嘟 乐悠悠”时不禁大笑，仲话自己都“乐”，又幽默表示：“咁嘅年纪，戴住冷帽、黑超、口罩，喺外国人眼中呢条𡃁仔廿几岁！咁仲想点？呢排都会约下啲前辈食饭，问下佢哋生活点过。”温提可约蔡一智，事关对方今日“登六”，张卫健即表示蔡一智年长自己少少，“约佢食饭仲我要找数，唔约。”提到蔡一杰养病停工，Dicky谓有打电话问候对方：“Ok㗎！佢好强㗎！Very Good！”